ՀԱՀ Յակոբեան բնապահպանական կենտրոնը

կազմակերպում է Հայաստանում

էկոտուրիզմի թեմային նվիրված երրորդ

ամենամյա համաժողովը, որը տեղի կունենա

2018թ.-ի ապրիլի 14-ին: Խնդրում ենք Ձեզ մոտ

նշել օրը: Համաժողովը տեղի կունենա

Հայաստանի ամերիկյան համալսարանում և

բաց կլինի հանրության համար:

Միջոցառումը հատկապես կարևորում է

Հայաստանի գյուղական համայնքների

ներկայացուցիչների ակտիվ

մասնակցությունը:

 

Ինչպես նախորդ տարիներին, այնպես էլ այս

տարվա համաժողովի նպատակն է խթանել

էկոտուրիզմի զարգացումը Հայաստանում՝

առաջարկելով գաղափարների և փորձի

փոխանակման հարթակ, ինչպես նաև ստեղծել

շահագրգիռ կողմերի ցանց:

 

Սիրով հրավիրում ենք Ձեզ և Ձեր

կազմակերպությանը մասնակցելու

համաժողովին: Եթե ունեք

առաջարկություններ՝ համաժողովում

քննարկվելիք թեմաների վերաբերյալ կամ

ցանկանում եք հանդես գալ որպես բանախոս,

խնդրում ենք տեղեկացնել մեզ:

Համաժողովին զուգահեռ մենք

կազմակերպելու ենք նաև «Էկոտուրիզմ»

ցուցահանդեսը: Եթե ունեք համապատասխան

ծառայություններ կամ ապրանքներ, որոնք

ցանկանում եք ներկայացնել

ցուցահանդեսին, խնդրում ենք տեղեկացնել

մեզ:

Անցյալ տարի համաժողովը ունեցել է 600-ից

ավելի մասնակից. այս տարի մենք ակնկալում

ենք այցելուների ավելի մեծ քանակ:

Համաժողովի մասին ավելին իմանալու համար

այցելեք՝ http://ace.aua.am/ecotourism : Համաժողովի

օրակարգը կհրապարակվի մարտի վերջին:

 

Հավելյալ տեղեկությունների համար

խնդրում եմ կապ հաստատել Լիտտա

Մուրադյանի հետ՝ lmuradyan@aua.am  կամ +374 60 612692 /

+374 91 271778:

 

Հարգանքով՝

Ալեն Ամիրխանյան

Տնօրեն, ՀԱՀ Յակոբեան բնապահպանական կենտրոն