Այսօր՝ օգոստոսի 3-ին, Վանաձորի համայնքապետարանում հյուրընկալվել են բռնցքամարտում նշանակալի հաջողություններ գրանցած մարզիկներ Արգիշտի Հակոբյանն ու Սանասար Ալավերդյանը։ Մարզիկներին, իրենց մարզիչի՝ Գևորգ Կոստանյանի հետ, ընդունել է համայնքի ղեկավարի պաշտոնակատար Արկադի Փելեշյանը։ Բռնցքամարտի պատանեկան մրցաշարերում մարզիկները լավագույնն են ճանաչվել։ Արկադի Փելեշյանը շնորհավորել է նրանց, շնորհավորագրեր և շնորհակալագիր հանձնել՝

ԱՐԳԻՇՏԻ ՀԱԿՈԲՅԱՆԻՆ՝ Վրաստանում կայացած ավագ տարիքի պատանիների բռնցքամարտի միջազգային մրցաշարում հաղթող և լավագույն մարզիկ ճանաչվելու համար,

ՍԱՆԱՍԱՐ ԱԼԱՎԵՐԴՅԱՆԻՆ՝ <<Սևանա լիճ-2022>> բռնցքամարտի 6-րդ բաց առաջնությունում հաղթող և լավագույն մարզիկ ճանաչվելու համար,

ԳԵՎՈՐԳ ԿՈՍՏԱՆՅԱՆԻՆ՝ բարձրակարգ մարզիկներ պատրաստելու համար։