- Վանաձոր - http://vanadzor.am -

Երբ կազմակերպչական հմտությունները համընկնում են բնության բարեհաճության հետ

Posted By Vanadzor On February 4, 2013 @ 18:04 In Լուրեր | No Comments

Փետրվարի 3-ին Վանաձորի մերձակա Թեժ Լեռ տարածքում տեղի ունեցավ 43-րդ ավանդական ՛՛Լոռվա Ձմեռ՛՛ մարզատոնահանդեսը: Այն կազմակերպել էր Վանաձորի քաղաքապետարնը և , ինչպես փորձառու մասնակիցներն են նշում , երևի թե վերջին տարիներին սա ամենամասսայական ՛՛Լոռվա Ձմեռ՛՛ տոնահանդեսն էր: Մոտավոր հաշվարկներով տոնահանդեսին մասնակցել է շուրջ 2800 մարդ, որոնց գերակշիռ մասը երիտասարդությունն էր: Տոնահանդեսին բացման խոսքով հանդես եկավ Վանաձորի քաղաքապետ Սամվել Դարբինյանը, համաքաղաքացիներին մաղթելով տոնական տրամադրություն և հաղթանակներ՝ մի շարք ձմեռային մարզաձևերում անցակացվող մրցումներում: Տոնահանդեսի շրջանակներում տեղի ունեցան մինի ֆուտբոլի, դահուկավազքի, պարկերով մրցավազքի, վոլեյբոլի, ազգային կոխի , կշռաքարերի հրման , պարանի ձգման, բազկամարտի և այլ ավանդական մրցապայքարներ:

Իսկ ավանդական զուռնա դհոլն ու համույթների ելույթներն առաձնակի ջերմություն ու տոնական տրամադրություն էին հաղորդում մասնակիցներին: Տարբեր մրցապայքարներում հաղթողները պարգևատրվեցին պատվոգրերով և մրցանակներով, թեև նրանց համար էլ ամենամեծ պարգևը ձմեռային այս տոնախմբությունն էր: Հետաքրքիր է այն հանգամանքը, որ բացի բուն միջացառման տարածքից, վանաձորցիներն իրենց ընտանիքներով ու կոլեկտիվներով տոնահանդեսի տարածքի էին վերածել Թեժ Լեռ հատվածի Վանաձոր- Դիլիջան մայրուղու հարևանությամբ գտնվող բոլոր ձնածածկ դաշտերը և ինքնուրույն էին կազմակերպում իրենց տոնական հանգիստը: Սա այն դեպքն է, երբ Վանաձորի քաղաքապետարանի կազմակերպչական հմտությունները համընկան բնության բարեհաճության հետ՝տոնակատարության նախորդ օրերին տեղաց առատ ձյուն, իսկ բնակչության իրազեկումը կատարվեց բարձր մակարդակով: Նաև փաստենք, որ վանաձորցիներին ավանդապես բնորոշ է ի սրտե և բարձր տրամադրությամբ անցկացնել համաքաղաքային տոնախմբությունները: Վանաձորը 2013 թվականը սկսեց մեծ տոնախմբությամբ և ինչպես սկսում ես տարին, այնպես էլ կավարտես այն:

Վանաձորի քաղաքապետարան

Լուսանկարները՝ Արտակ Մարուքյանի

[1] [2]


Article printed from Վանաձոր: http://vanadzor.am

URL to article: http://vanadzor.am/yerb-kazmakerpchakan-hmtutyunnery/

URLs in this post:

[1] : http://vanadzor.am/vanadzor/uploads/2014/03/1111.jpg

[2] : http://vanadzor.am/vanadzor/uploads/2014/03/112.jpg

[3] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fyerb-kazmakerpchakan-hmtutyunnery%2F&t=%D4%B5%D6%80%D5%A2+%D5%AF%D5%A1%D5%A6%D5%B4%D5%A1%D5%AF%D5%A5%D6%80%D5%BA%D5%B9%D5%A1%D5%AF%D5%A1%D5%B6+%D5%B0%D5%B4%D5%BF%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80%D5%A8+%D5%B0%D5%A1%D5%B4%D5%A8%D5%B6%D5%AF%D5%B6%D5%B8%D6%82%D5%B4+%D5%A5%D5%B6+%D5%A2%D5%B6%D5%B8%D6%82%D5%A9%D5%B5%D5%A1%D5%B6+%D5%A2%D5%A1%D6%80%D5%A5%D5%B0%D5%A1%D5%B3%D5%B8%D6%82%D5%A9%D5%B5%D5%A1%D5%B6+%D5%B0%D5%A5%D5%BF

[4] Twitter: https://twitter.com/intent/tweet?text=%D4%B5%D6%80%D5%A2+%D5%AF%D5%A1%D5%A6%D5%B4%D5%A1%D5%AF%D5%A5%D6%80%D5%BA%D5%B9%D5%A1%D5%AF%D5%A1%D5%B6+%D5%B0%D5%B4%D5%BF%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80%D5%A8+%D5%B0%D5%A1%D5%B4%D5%A8%D5%B6%D5%AF%D5%B6%D5%B8%D6%82%D5%B4+%D5%A5%D5%B6+%D5%A2%D5%B6%D5%B8%D6%82%D5%A9%D5%B5%D5%A1%D5%B6+%D5%A2%D5%A1%D6%80%D5%A5%D5%B0%D5%A1%D5%B3%D5%B8%D6%82%D5%A9%D5%B5%D5%A1%D5%B6+%D5%B0%D5%A5%D5%BF&url=http%3A%2F%2Fvanadzor.am%2Fyerb-kazmakerpchakan-hmtutyunnery%2F

[5] Google+0: https://plus.google.com/share?url=http%3A%2F%2Fvanadzor.am%2Fyerb-kazmakerpchakan-hmtutyunnery%2F

[6] Pinterest0: #

Copyright © 2017 Վանաձոր. All rights reserved.