- Վանաձոր - http://vanadzor.am -

Վարչապետը Լոռու մարզում ծանոթացել է կատարված աշխատանքներին և նոր ներդրումային ծրագրին

Posted By Vanadzor On June 19, 2013 @ 16:49 In Լուրեր | No Comments

Լոռու մարզ հունիսի 18-ին կատարած այցի շրջանակներում վարչապետ Տիգրան Սարգսյանը եղել է մի քանի համայնքներում: Վարչապետը Մարց համայնքում ծանոթացել է տեղի միջնակարգ դպրոցի ներկա վիճակին: Կառավարության ղեկավարի հանձնարարականով՝ ՀՀ պետական բյուջեից հատկացվել են անհրաժեշտ միջոցներ՝ դպրոցը հիմնանորոգելու և նոր մարզադահլիճ կառուցելու համար: Նախատեսվում է 110 տնտեսությունից բաղկացած համայնքի և 84 աշակերտ ունեցող ուսումնական հաստատության հիմնանորոգման շինաշխատանքներն ավարտին հասցնել հաջորդ տարվա սեպտեմբերին: Կառավարության ղեկավարը զրուցել է նաև համայնքի բնակիչների հետ՝ ծանոթացել նրանց խնդիրներին: Վերջիններս շնորհակալություն են հայտնել վարչապետին՝ առաջնահերթ լուծում պահանջող դպրոցի հիմնանորոգման և մարզադահլիճի կառուցման գործում հետամուտ լինելու համար:
Նախատեսվում է, որ առաջիկա սեպտեմբերից Մարցում կսկսի գործել նաև նախակրթարան:
Այնուհետև Տիգրան Սարգսյանն այցելել է Շահումյան համայնքի ամբողջովին վերակառուցված առողջության առաջնային պահպանման կենտրոն՝ ծանոթացել իր իսկ հանձնարարականով իրականացված աշխատանքներին: Նախորդ տարի Շահումյանի բնակիչներն անձամբ էին դիմել վարչապետին՝ անբարեկարգ պայմաններում գտնված կենտրոնը վերակառուցելու խնդրանքով:

 
Այժմ կենտրոնը, որը համալրվել է անհրաժեշտ սարքավորումներով, սպասարկում է երեք հազար բնակչի: Վերակառուցման համար ներդրվել է 30 մլն դրամ: Վերջինիս բուժծառայողները գոհունակություն են հայտնել կատարված աշխատանքներից և կրկին շնորհակալություն հայտնել վարչապետին՝ իրենց բարձրացրած խնդրին լուծում տալու համար:
Կառավարության ղեկավարի վերջին կանգառը եղել է Վանաձորի «Գլորիա» կարի ֆաբրիկայում: Տիգրան Սարգսյանը շրջել է ֆաբրիկայով՝ ծանոթացել աշխատանքային գործունեությանը և առաջիկա ծրագրերին:
Տեղեկացվել է, որ ֆաբրիկան արտադրում է շուկայի ներկայիս պահանջներին համապատասխան տարբեր տեսակի հագուստ: Գործունեության սկզբնական շրջանում ընկերությունը համագործակցել է գերմանական մի քանի պատվիրատու կազմակերպությունների հետ («Լեբեկ», «ՀԲ», «Կուբլեր», «Գրաֆեգգեր», որոնց հետ համագործակցությունը շարունակվում է մինչ օրս), իսկ հետագայում ընդլայնել է գործունեությունը` 2009 թվականին կնքելով նոր պայմանագիր իտալական «SARTIS» ֆիրմայի հետ: Վերջինիս պատվերով Վանաձորում գործող ֆաբրիկան կարում է տղամարդու և կանացի բարձրորակ բաճկոններ` արտադրանքն ամբողջությամբ առաքելով Եվրոպա՝ հիմնականում` Իտալիա:
Եվրոպական չափանիշներին համապատասխան արտադրանք թողարկելու նպատակով, պատվիրատուն` համաձայն պայմանագրի, ապահովում է ընկերությանը ժամանակակից մեքենասարքավորումներով:
Ընկերության գործունեությունը խթանելու և մարզում լրացուցիչ աշխատատեղեր ստեղծելու նպատակով ՀՀ կառավարության կողմից պարբերաբար աջակցություն է ցուցաբերվում ֆաբրիկային` տրամադրելով հարկային արտոնություններ: Մասնավորապես, ՀՀ կառավարության 2010 թ. որոշմամբ՝ կարի ֆաբրիկայի կողմից ներմուծված ապրանքների նկատմամբ կիրառվել է «Ժամանակավոր ներմուծում» մաքսային ռեժիմ, որով ժամկետները երկարաձգվել են մինչ 2013 թ. սեպտեմբերի 29-ը: Ընդհանուր առմամբ, երկարաձգվել են 109.7 մլն դրամ մաքսային արժեքով 59 անուն կարի մեքենաների և արտադրությանն անհրաժեշտ 931 միավոր սարքավումների մաքսային ռեժիմները:
Արդյունքում, ընկերությունը 2012 թ. միայն «SARTIS» ֆիրմայի պատվերով արտադրել և արտահանել է 213.9 մլն դրամի հագուստ: Աճը 2010 թ. նկատմամբ, երբ նոր էր սկսվել համագործակցությունը «SARTIS»-ի հետ, կազմել է 3.2 անգամ:
Նախորդ տարի, ընդանուր առմամբ, ընկերությունն առաքել է 665.7 մլն դրամի հագուստ և աճը 2011թ. նկատմամբ կազմել է 65.5 տոկոս:
«SARTIS»-ի հետ «Գլորիա» ընկերության համագործակցությունը կրում է շարունակական բնույթ և պայմանագիրը երկարաձգվել է ևս հինգ տարի ժամկետով, ինչը հնարավորություն է ընձեռում ֆաբրիկային երկարաժեմկետ կտրվածքով գործունեություն ծավալելու արդյունքում` ստեղծել նոր լրացուցիչ աշխատատեղեր:
«Գլորիա»-ն 2013 թ. հունիսի 12-ին կրկին դիմել է ՀՀ կառավարություն` խնդրելով երկարաձգել ներմուծված մեքենասարքավորումների «Ժամանակավոր ներմուծում» մաքսային ռեժիմի ժամկետները: Ներկայումս ընկերության ներկայացրած ներդրումային ծրագիրը գտնվում է շահագրգիռ պետական մարմինների քննարկման փուլում:
ՀՀ կառավարության կողմից «SARTIS»-ի տրամադրած մեքենասարքավորումների համապատասխան մաքսային ռեժիմի երկարաձգման դեպքում, ըստ ընկերության կողմից ներկայացված ծրագրի` կընդլայնվի արտադրական գործունեւթյունը և միայն նշված ծրագրի շրջանակներում 2016 թ. իտալական պատվիրատուին կառաքվի շուրջ 670 մլն դրամի արտադրանք (2013թ.` 420 մլն դրամի դիմաց): Ծրագրի իրականացման ընթացքում նախատեսվում է տարեցտարի ավելացնել աշխատողների քանակը և 2016 թ. ներկայիս 550-ի փոխարեն այն հասցնել 1000-ի:


Article printed from Վանաձոր: http://vanadzor.am

URL to article: http://vanadzor.am/varchapety-lorru-marzum-tsanotatsyel/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fvarchapety-lorru-marzum-tsanotatsyel%2F&t=%D5%8E%D5%A1%D6%80%D5%B9%D5%A1%D5%BA%D5%A5%D5%BF%D5%A8+%D4%BC%D5%B8%D5%BC%D5%B8%D6%82+%D5%B4%D5%A1%D6%80%D5%A6%D5%B8%D6%82%D5%B4+%D5%AE%D5%A1%D5%B6%D5%B8%D5%A9%D5%A1%D6%81%D5%A5%D5%AC+%D5%A7+%D5%AF%D5%A1%D5%BF%D5%A1%D6%80%D5%BE%D5%A1%D5%AE+%D5%A1%D5%B7%D5%AD%D5%A1%D5%BF%D5%A1%D5%B6%D6%84%D5%B6%D5%A5%D6%80%D5%AB%D5%B6+%D6%87+%D5%B6%D5%B8%D6%80+%D5%B6%D5%A5%D6%80%D5%A4%D6%80%D5%B8%D6%82%D5%B4%D5%A1%D5%B5%D5%AB%D5%B6+%D5%AE%D6%80%D5%A1%D5%A3%D6%80%D5%AB%D5%B6

[2] Twitter: https://twitter.com/intent/tweet?text=%D5%8E%D5%A1%D6%80%D5%B9%D5%A1%D5%BA%D5%A5%D5%BF%D5%A8+%D4%BC%D5%B8%D5%BC%D5%B8%D6%82+%D5%B4%D5%A1%D6%80%D5%A6%D5%B8%D6%82%D5%B4+%D5%AE%D5%A1%D5%B6%D5%B8%D5%A9%D5%A1%D6%81%D5%A5%D5%AC+%D5%A7+%D5%AF%D5%A1%D5%BF%D5%A1%D6%80%D5%BE%D5%A1%D5%AE+%D5%A1%D5%B7%D5%AD%D5%A1%D5%BF%D5%A1%D5%B6%D6%84%D5%B6%D5%A5%D6%80%D5%AB%D5%B6+%D6%87+%D5%B6%D5%B8%D6%80+%D5%B6%D5%A5%D6%80%D5%A4%D6%80%D5%B8%D6%82%D5%B4%D5%A1%D5%B5%D5%AB%D5%B6+%D5%AE%D6%80%D5%A1%D5%A3%D6%80%D5%AB%D5%B6&url=http%3A%2F%2Fvanadzor.am%2Fvarchapety-lorru-marzum-tsanotatsyel%2F

[3] Google+0: https://plus.google.com/share?url=http%3A%2F%2Fvanadzor.am%2Fvarchapety-lorru-marzum-tsanotatsyel%2F

[4] Pinterest0: #

Copyright © 2017 Վանաձոր. All rights reserved.