- Վանաձոր - http://vanadzor.am -

Շնորհավո՛ր տոնդ, Վանաձո՛ր

Posted By Vanadzor On October 5, 2015 @ 10:16 In Լուրեր | No Comments

Արդեն 16 տարի շարունակ Լոռու մարզկենտրոն Վանաձոր քաղաքը հոկտեմբեր ամսվա առաջին շաբաթ օրը տոնում է քաղաքի օրը: Տոնին նվիրված միջոցառումները սկսվել են դեռևս 15 օր առաջ: Այսօր արդեն տոնը մեկնարկել է Սուրբ Մարիամ Աստվածածին եկեղեցուց, որտեղ վանաձորցիները նախ միասնական աղոթք բարձրացրին առ Աստված, ապա արդեն քայլերթով շարժվեցին դեպի Հայքի հրապարակ: Ճանապարհի ողջ երկայնքով ձգվում էր Ղարաքիլիսայի, Կիրովականի ու Վանաձորի ողջ պատմությունը: Տարատեսակ ցուցադրություներ ու թատերականացված ներկայացումներ,բազմաթիվ ողջույններ ու շնորհավորանքներ Վանաձորի 91-ամյակի առթիվ: Ճակատամարտ ու երկրաշարժ տեսած քաղաքը, չնայած բազմաթիվ խնդիրներին, շարունակում է պահպանել իրեն հատուկ կոլորիտն ու ապացուցել, որ Վանաձորը մշակույթի, սպորտի ու արվեստի քաղաք է: Տոնական միջոցառումը մեկնարկեց արդեն Հայքի հրապարակում, որտեղ նախ բեմահարթակ բերվեց ՀՀ պետական ու Վանաձորի դրոշները: Գլխավոր միջոցառման մեկնարկից առաջ Հայաստանի պետական օրհներգի հնչյունների ներքո դրոշների մուտքը ևս կարևոր խորհուրդ ուներ: Տոնական միջոցառմանը գեղեցիկ կատարումներով հանդես եկան քաղաքի մշակութային հիմնարկ-ձեռնարկությունները, Հայաստանի Հանրապետության պաշտպանության նախարարության N զորամասի զինծառայողները: Վանաձորի քաղաքապետ Սամվել Դարբինյանը, ում շնորհիվ Վանաձորի օրը մեծ շուքով նշելու ավանդույթ է ձևավորվել, իր ելույթում նշեց, որ անկախ առկա խնդիրնեին, Վանաձորն այսօր բազմաթիվ ձեռքբերումներ ու հաջողություններ ունի: Վանաձորի օրվան նվիրված միջոցառումները շարունակվեցին քաղաքի բոլոր զբոսայգիներում, իսկ արդեն երեկոյան տոնական համերգ տեղի ունենացավ Հայքի հրապարակում:Տոնական միջոցառման ավարտն ազդարարվեց շքեղ հրավառությամբ:

Էդվարդ Արզումանյան

Վանաձորի քաղաքապետարան


Article printed from Վանաձոր: http://vanadzor.am

URL to article: http://vanadzor.am/vanadzori-or-2015/

URLs in this post:

[1] Facebook8: https://www.facebook.com/sharer/sharer.php?u=http%3A%2F%2Fvanadzor.am%2Fvanadzori-or-2015%2F&t=%D5%87%D5%B6%D5%B8%D6%80%D5%B0%D5%A1%D5%BE%D5%B8%D5%9B%D6%80+%D5%BF%D5%B8%D5%B6%D5%A4%2C+%D5%8E%D5%A1%D5%B6%D5%A1%D5%B1%D5%B8%D5%9B%D6%80

[2] Twitter: https://twitter.com/intent/tweet?text=%D5%87%D5%B6%D5%B8%D6%80%D5%B0%D5%A1%D5%BE%D5%B8%D5%9B%D6%80+%D5%BF%D5%B8%D5%B6%D5%A4%2C+%D5%8E%D5%A1%D5%B6%D5%A1%D5%B1%D5%B8%D5%9B%D6%80&url=http%3A%2F%2Fvanadzor.am%2Fvanadzori-or-2015%2F

[3] Google+0: https://plus.google.com/share?url=http%3A%2F%2Fvanadzor.am%2Fvanadzori-or-2015%2F

[4] Pinterest0: #

Copyright © 2017 Վանաձոր. All rights reserved.