- Վանաձոր - http://vanadzor.am -

Վանաձորի քաղաքապետ Սամվել Դարբինյանի 2013 թվականի տարեկան հաշվետվությունը

Posted By Vanadzor On March 19, 2014 @ 15:40 In Լուրեր | No Comments

2014 թվականի մարտի 18-ին Վանաձորի քաղաքապետարանի մեծ նիստերի դահլիճում կայացավ համայնքի Ավագանու ընդլայնված հերթական նիստը: Նիստերի մեծ դահլիճն արդիականցվել էր ժամանակակից տեխնիկայով և սարքավորումներով, ինչը զգալիորեն արդյունավետ էր դարձրել նման կարգի միջոցառումների ժամանակ Ավագանու և քաղաքապետարանի աշխատակազմի աշխատանքները:
Ավագանու ընդլայնված նիստին ներկա էր Լոռու մարզպետ Արթուր Նալբանդյանը, նաև մարզպետարանի և քաղաքապետարանի պատասխանատուներ,հասարակական կազմակերպությունների ներկայացուցիչներ, քաղաքացիներ, հատուկ այս առիթով հրավիրված հյուրեր և բազմաթիվ լրագրողներ: Ավագանու նիստի օրակարգում նախատեսված էր Վանաձորի քաղաքապետի զեկույցի հիման վրա Վանաձոր համայնքի 2013 թվականի բյուջեի կատարման հաշվետվության հաստատումը, սակայն կարելի է փաստել, որ քաղաքապետը նաև հանդես եկավ հանրության առջև 2013 թվականի ընթացքում կատարաված աշխատանքների ընդարձակ հաշվետվությամբ:
Վանաձոր քաղաքը 20-րդ դարի սկզբից և 21-րդ դարում ունեցել է զարգացման ու աճի տարբեր փուլեր: 1929-30-ին կազմվել է Վանաձորի առաջին հատակագիծը (ճարտարապետներ` Կ. Հալաբյան, Մ. Մազմանյան, Գ, Քոչար), որը նախատեսում էր քաղաքի տարածքը ընդլայնել արևմտյան և արևելյան ուղղություններով` Դիմաց թաղամասում։ 1939 թ.-ի գլխավոր հատակագծով (ճարտարապետներ` Ն. Զարգարյան, Ա. Մինասյան) որոշակի է դարձել քաղաքի կերպարը` զարգացման նշանակալից հեռանկարներով (արդյունաբերական կենտրոն և ամառանոցային վայր)։ 1949 թ.-ին կազմվել է նոր գլխավոր հատակագիծ (ճարտարապետներ` Հ.Դավթյան, Ռ. Գրիգորյան)։ 1950-ական թթ.-ին կառուցապատվել է Կիրովի անվան (այժմ` Հայքի) հրապարակը` քաղաքի վարչակառավարչական կենտրոնը։
1988 թվականի երկրաշարժից հետո անօթևան մնացած բնակիչներին բնակարաններով ապահովելու նպատակով կառուցվում են նոր Տարոն-1, Տարոն-2 , Տարոն-3 և Տարոն -4 թաղամասերը: Հետագայում ձևավորված սոցիալ-տնտեսական բարդ իրավիճակի պայմաններում քաղաքի բնակչությունը նախաերկրաշարժյան 150 հազարից նվազել է մինչև 85 հազար, իսկ նորկառույց թաղամասերի հաշվին քաղաքի տարածքը աճել է շուրջ 20 տոկոսով:
Վանաձոր համայնքում 2013 թվականի դրությամբ առկա են 1056 բազմաբնակարան շենքեր, որոնցից 870-ի սպասարկումը ներկայումս իրականացնում են 59 համատիրություններ:
Ինչպես նշեց իր զեկույցում Սամվել Դարբինյանը, Վանաձորի ՏԻ մարմինները մշտապես փնտրում և կիրառում են բյուջետային հատկացումների և ծառայությունների մատուցման վարչարարական արդյունավետ եղանակներ, կանխատեսելով, որ առաջիկա տարիներին քաղաքի տարածքի աճը չի ուղեկցվելու բնակչության համարժեք աճով:
Ներկայումս Վանաձոր համայնքի մշտական բնակչության թիվը կազմում է 84 700 մարդ, ըստ վիճակագրական ծառայության 01.10.2013թ. տվյալների:
2013 թվականին Վանաձորի քաղաքապետարանն ունեցել է առանձնահատուկ հաջողություններ: Վանաձոր համայնքը ճանաչվել է 2013 թվականի լավագույն մարզական համայնք և արժանացել ՀՀ նախագահի մրցանակին:
2013 թվականին , ըստ հաշվետվության, առանձնակի ուշադրության են արժանացել փողոցների վերանորոգման ծրագրերը: Ընդհանուր առմամբ նորոգվել է 14 273.6 քառ.մ. մակերեսով փողոցներ և Արջուտի աղբաթափման վայր տանող ճանապարհը……. բոլոր ոլորտների վերաբերյալ ավելի մանրամասն Վանաձորի քաղաքապետ Սամվել Դարբինյանի զեկույցին քաղաքացիները և շահագրգիռ կառույցները կարող են ծանոթանալ քաղաքապետարանի պաշտոնական կայքում՝ www.vanadzor.am:

Մինչ նիստի օրակարգին անցնելը, քաղաքապետը տեղեկացրեց, որ Ավագանու անդամ Գոռ Բադյանը վայր է դրել Ավագանու անդամի լիազորությունները, քանի որ նշանակավել է Վանաձորի քաղաքապետարանի աշխատակազմի մշակույթի և կրթության բաժնի պետի պաշտոնակատար: Տեղեկությունն ընդունվեց ի գիտություն:

Հաջորդիվ քաղաքապետարանի ճարտարապետության և քաղաքաշինության բաժնի պետ Տիգրան Պապանյանն Ավագանու համաձայնությանը ներկայացրեց վաստակաշատ շինարարներ Սամվել և Արթուր Հակոբյաններին նվիրված հուշատախտակի տեղադրման վերաբերյալ առաջարկը: Ավագանին հավանություն տվեց առաջարկին:

Քաղաքապետի կողմից 2013 թվականի աշխատանքների հաշվետվության ներկայացումից հետո Սամվել Դարբինյանը, ինչպես նաև քաղաքապետարանի համապատասխան ծառայությունների ղեկավարները պատասխանացեին Ավագանոև անդամների հարցերին և ներկայացրին պարզաբանումներ: Քննարկումներին ակտիվ մասնակցություն ունեցավ նաև Լոռու մարզպետ Արթուր Նալաբանդյանը, ով նույնպես պատասխանեց Ավագանու անդամների մի շարք հարցերի: Լոռու մարզպետը հիշեցերեց , որ Լոռու մարզի մարզկենտրոնի խնդիրները մշտապես գտնվել են ՀՀ կառավարության ուշադրության կլենտրոնում և միայն այն , որ 2011-13 թթ պետբյուջեից և այլ ֆինանսական աղբյուրներից Վանաձորում իրականացվել է շուրջ 5.4 մլրդ դրամի ծրագրեր, արդեն իսկ խոսուն փաստ է: Լոռու մարզպետը հանդես եկեվ նաև հետաքրքիր նախաձեռնությամբ, ինչն առանձնակի ոգևորություն առաջացրեց Վանաձորի ավագանու անդամաների շրջանում: Մարզպետը պատրաստակամություն հայտնեց պարբերաբար հանդիպել վանաձորի Ավագանու անդամների հետ և առաջարկեց ներկայացնել հանդիպումների ժամանակացույց:

Վանաձորի Ավագանին հաստատեց Վանաձոր համայնքի 2013 թվականի բյուջեի կատարման հաշվետվությունը:


Article printed from Վանաձոր: http://vanadzor.am

URL to article: http://vanadzor.am/vanadzori-kaghakapet-samvel-darbinyani-2013-tvakani/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fvanadzori-kaghakapet-samvel-darbinyani-2013-tvakani%2F&t=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF+%D5%8D%D5%A1%D5%B4%D5%BE%D5%A5%D5%AC+%D4%B4%D5%A1%D6%80%D5%A2%D5%AB%D5%B6%D5%B5%D5%A1%D5%B6%D5%AB+2013+%D5%A9%D5%BE%D5%A1%D5%AF%D5%A1%D5%B6%D5%AB+%D5%BF%D5%A1%D6%80%D5%A5%D5%AF%D5%A1%D5%B6+%D5%B0%D5%A1%D5%B7%D5%BE%D5%A5%D5%BF%D5%BE%D5%B8%D6%82%D5%A9%D5%B5%D5%B8%D6%82%D5%B6%D5%A8

[2] Twitter: https://twitter.com/intent/tweet?text=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF+%D5%8D%D5%A1%D5%B4%D5%BE%D5%A5%D5%AC+%D4%B4%D5%A1%D6%80%D5%A2%D5%AB%D5%B6%D5%B5%D5%A1%D5%B6%D5%AB+2013+%D5%A9%D5%BE%D5%A1%D5%AF%D5%A1%D5%B6%D5%AB+%D5%BF%D5%A1%D6%80%D5%A5%D5%AF%D5%A1%D5%B6+%D5%B0%D5%A1%D5%B7%D5%BE%D5%A5%D5%BF%D5%BE%D5%B8%D6%82%D5%A9%D5%B5%D5%B8%D6%82%D5%B6%D5%A8&url=http%3A%2F%2Fvanadzor.am%2Fvanadzori-kaghakapet-samvel-darbinyani-2013-tvakani%2F

[3] Google+0: https://plus.google.com/share?url=http%3A%2F%2Fvanadzor.am%2Fvanadzori-kaghakapet-samvel-darbinyani-2013-tvakani%2F

[4] Pinterest0: #

Copyright © 2017 Վանաձոր. All rights reserved.