- Վանաձոր - http://vanadzor.am -

Կայացավ «Ուրախ դելֆին» ամենամյա առաջնությունը

Posted By Vanadzor On July 6, 2015 @ 09:38 In Լուրեր | No Comments

Վանաձորի լողի մանկապատանեկան մասնագիտացված մարզադպրոցում ամենամյա «Ուրախ դելֆին» առաջնության մեկնարկը տրված է: Ավանդական դարձած առաջնությունը Վանաձորում շուրջ տասը տարվա պատմություն ունի: Այս տարի «Ուրախ դելֆին» մարզական միջոցառմանը մասնակցություն ունեցան ավելի քան 180 մարզիկներ ոչ միայն Վանաձորից, այլև մեկական թիմեր Գյումրիից ու Աբովյանից, ևս չորս թիմ՝ Երևանից: Մարզադպրոցի բաց առաջնության մասնակիցները 2000թ-ին և դրանից հետո ծնված մարզիկ-մարզուհիներն են: Առաջինը 2004-2006թթ. ծնված լողորդուհիների լողահերթն էր: Մասնակիցները մրցեցին չորս լողաոճերում՝ բրաս, ազատ ոճ, դելֆին և թիկնալող: Առաջնության նպատակն է ոչ միայն Համահայկական խաղերին ընդառաջ մարզիկների պատրաստվածության մակարդակը բարձրացնել, այլև տարբեր համայնքների մարզիկների շփմանը նպաստել:

Առաջնության նախաձեռնությունը մարզադպրոցի տնօրենինն է, ով մրցաշարի կայացման գործում կարևո

րում է նաև լողի ֆեդերացիայի գործուն մասնակցությունը: Վանաձորի քաղաքապետարանի ֆիզկուլտուրայի և սպորտի բաժնի պետի խոսքով՝ Մարզադպրոցը Վանաձորում գործում է 2005թ.-ից, այս տարիների ընթացքում այստեղ լողալ է սովորել ավելի քան 5500 երեխա: Գևորգ Մացակյանի դիտարկմամբ տարեցտարի ավելանում է մրցաշարի մասնակիցների թիվը:

«Ուրախ դելֆին» մարզական միջոցառումն ընթացավ երկու օր: Մասնակիցներից ոմանք առաջին անգամ էին հանդես գալիս մրցաշարին, ոմանք էլ արդեն մի քանի անգամ հասցրել են մասնակցություն ունենալ՝ մարզական նվաճումներից զատ ձեռք բերել նաև լավ ընկերներ: «Ուրախ դելֆին» բաց առաջնության կազմակերպումը կարևորում է հատկապես շփման և փորձի փոխանակման տեսակետից:

Երկօրյա համառ պայքարից հետո հայտնի դարձան առաջնության հաղթողները: Վերջիններս Վանաձորի լողի մանկապատանեկան մասնագիտացված մարզադպրոցի կողմից արժանացան պատվոգրերի և մեդալների:

Վանաձորի քաղաքապետարան


Article printed from Վանաձոր: http://vanadzor.am

URL to article: http://vanadzor.am/urax-delfin/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Furax-delfin%2F&t=%D4%BF%D5%A1%D5%B5%D5%A1%D6%81%D5%A1%D5%BE+%C2%AB%D5%88%D6%82%D6%80%D5%A1%D5%AD+%D5%A4%D5%A5%D5%AC%D6%86%D5%AB%D5%B6%C2%BB+%D5%A1%D5%B4%D5%A5%D5%B6%D5%A1%D5%B4%D5%B5%D5%A1+%D5%A1%D5%BC%D5%A1%D5%BB%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8

[2] Twitter: https://twitter.com/intent/tweet?text=%D4%BF%D5%A1%D5%B5%D5%A1%D6%81%D5%A1%D5%BE+%C2%AB%D5%88%D6%82%D6%80%D5%A1%D5%AD+%D5%A4%D5%A5%D5%AC%D6%86%D5%AB%D5%B6%C2%BB+%D5%A1%D5%B4%D5%A5%D5%B6%D5%A1%D5%B4%D5%B5%D5%A1+%D5%A1%D5%BC%D5%A1%D5%BB%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8&url=http%3A%2F%2Fvanadzor.am%2Furax-delfin%2F

[3] Google+0: https://plus.google.com/share?url=http%3A%2F%2Fvanadzor.am%2Furax-delfin%2F

[4] Pinterest0: #

Copyright © 2017 Վանաձոր. All rights reserved.