- Վանաձոր - http://vanadzor.am -

Թատրոններ

Posted By Vanadzor On March 15, 2014 @ 20:11 In Մշակույթ | No Comments

«Վանաձորի Բոհեմ կամերային թատրոն»
համայնքային ոչ առևտրային կազմակերպություն

Հասցե. Տիգրան Մեծի 22
Հեռ. (0322)

Գայանե Ավագյան 2013թ.-ից «Վանաձորի Բոհեմ կամերային թատրոն» ՀՈԱԿ-ի տնօրեն

«Վանաձորի Բոհեմ կամերային թատրոն» ՀՈԱԿ-ը ստեղծվել է 1993թ.-ին`Հովհ. Աբելյանի անվան ՊԴԹ դերասաններ Գրետա Մեջլումյանի, Վրույր Հարությունյանի և Մայիս Սարգսյանի ջանքերի շնորհիվ:
1997թ.-ին թատրոնի տնօրեն է նշանակվել ՀՀ արվեստի վաստակավոր գործիչ Մայիս Սարգսյանը, 2013թ.-ից` Գայանե Ավագյանը:
2004 թ.-ից թատրոնը իր գործունեությունն իրականացնում է Շառլ Ազնավուրի անվան մշակույթի պալատում:

Տարբեր տարիներին «Բոհեմ» կամերային թատրոնում խաղացել են ճանաչված դերասաններ Շահեն Ոսկանյանը, Սոֆյա Սողոմոնյանը, ՀՀ վաստակավոր արտիստուհի Լալա Մնացականյանը, ՀՀ վաստակավոր արտիստ Ռազմիկ Խոսրոևը և ուրիշներ:

 

«Վանաձորի Տիկնիկային թատրոն»
համայնքային ոչ առևտրային կազմակերպություն

Հասցե. Վարդանանց 110 ա
Հեռ. (0322)

Սերգեյ Մելիքյան

1992թ.-ից «Վանաձորի տիկնիկային թատրոն» ՀՈԱԿ-ի հիմնադիր տնօրեն, ռեժիսոր- գեղարվեստական ղեկավար

ԽՍՀՄ թատերական գործիչների միությունների անդամ, Հայաստանի տիկնիկային արվեստի գործիչների միության անդամ
2011թ.–ին պարգևատրվել է ՀՀ մշակույթի նախարարության Ոսկե մեդալով

«Վանաձորի Տիկնիկային թատրոն» ՀՈԱԿ-ը ստեղծվել է 1992թ.-ին հիմնադիր տնօրեն Սերգեյ Մելիքյանի կողմից և գործում է 1994թ.-ից: Դահլիճն ունի 200 նստատեղ:
Թատրոնը ելույթներ է ունեցել ոչ միայն Վանաձորում և Լոռու մարզի համայնքներում, այլև Երևանում, հանրապետության բազմաթիվ այլ համայնքներում, Արցախում, Թբիլիսիում, Վրաստանի հայաբնակ համայնքներում: Մասնակցել է բազմաթիվ մարզային և հանրապետական փառատոների, արժանացել բարձր պարգևների, հատուկ մրցանակների ու դիպլոմների: 1996-97թթ.-ին ՀՀ մշակույթի նախարարության կազմակերպած Համազգային փառատոնում ճանաչվել է հանրապետության լավագույն մանկական թատրոններից մեկը և արժանացել ՀՀ մշակույթի նախարարության և թատերական գործիչների միության հատուկ մրցանակին ու դիպլոմներին: Նույն թվականին Փարիզի <<Բոհեմ>> կամերային թատերախմբի հրավերով Թումանյանի հեքիաթները ներկայացրել են Փարիզի, Մարսելի, Լիոնի ֆրանսահայ մանուկներին: 20 տարիների ընթացքում բեմադրվել է ավելի քան 42 ներկայացում: Հիմնադրման օրից թատրոնում աշխատել են նվիրյալ դերասաններ Աշոտ Սարիբեկյանը, Էդիկ Ավագյանը, Կարինե Քոչարյանը, Սուսաննա Մարգարյանը, Նառա Առաքելյանը, Հրաչիկ Ջուլհակյանը, Գայանե Վանյանը, Արման Կոլոսովը, մի շարք բեմադրություններ է իրականացրել ռեժիսոր Շահեն Իսմայիլյանը, նկարչական ձևավորումներ կատարել Արմինե Մելիքյանը:


Article printed from Վանաձոր: http://vanadzor.am

URL to article: http://vanadzor.am/tatronner/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Ftatronner%2F&t=%D4%B9%D5%A1%D5%BF%D6%80%D5%B8%D5%B6%D5%B6%D5%A5%D6%80

[2] Twitter: https://twitter.com/intent/tweet?text=%D4%B9%D5%A1%D5%BF%D6%80%D5%B8%D5%B6%D5%B6%D5%A5%D6%80&url=http%3A%2F%2Fvanadzor.am%2Ftatronner%2F

[3] Google+0: https://plus.google.com/share?url=http%3A%2F%2Fvanadzor.am%2Ftatronner%2F

[4] Pinterest0: #

Copyright © 2017 Վանաձոր. All rights reserved.