Վանաձորի Համայնքապետարանի Պաշտոնական Կայք

Շնորհավորական խոսք Հաղթանակի եւ Խաղաղության տոնի կապակցությամբ

. Լուրեր

Սիրելի հայրենակիցնե՛ր, Հայրենական մեծ պատերազմի եւ Արցախյան ազատամարտի թանկագի՛ն վետերաններ
Մայիսը մեզ համար հաղթանակների ամիս է, իսկ մայիսի 9-ը մեր ազգի համար ունի կրկնակի խորհուրդ: 69 տարի առաջ՝ այս օրը, հայ ժողովրդի լավագույն զավակները խորհրդային մյուս ժողովուրդների հետ միասին պատերազմեցին ընդդեմ բռնության ու չարագործության` իրենց անձնազոհ կեցվածքով և նվիրվածությամբ օրինակ ծառայելով հետագա սերունդների համար:
Այս պատերազմում հայ ժողովուրդը տվել է օրինակելի բազում հերոսներ:
Հայ ազգը երբեք չի մոռանա իր հերոսներին:
1992թ.-ին մեր տոնացույցում ավելացավ ևս մեկ փառահեղ տոն: 22 տարի առաջ այս օրը հայ ազգը, դառնալով մեկ բռունցք, հերոսության ու արիության հրաշքներ գործեց՝ ազատագրելով Շուշին: Մեզ պարտադրված պատերազմում ևս մեկ անգամ ապացուցեցինք, որ միշտ պատրաստ ենք պաշտպանել մեր ժողովրդի խաղաղ ապրելու իրավունքը:
Այս տոնական օրը ես նախևառաջ ցանկանում եմ գլուխ խոնարհել հանուն հայրենիքի ազատության նահատակված բոլոր քաջ հայորդիների վառ և հավերժ հիշատակի առջև:
Հավերժ փառք ու պատի՛վ մեր նվիրյալ հայորդիներին:
Փա՛ռք հերոսական հայ ժողովրդին,
Փառք ու պատի՛վ Հայրենական մեծ պատերազմի վետերաններին,
Փառք ու պատի՛վ Արցախյան հերոսամարտի քաջ մարտիկներին:

Վանաձորի քաղաքապետ Սամվել Դարբինյան

  • arlis
  • caa
  • e-gov.am
  • lorimarz
  • migracia

ՊԱՇՏՈՆԱԿԱՆ ԷԼԵԿՏՐՈՆԱՅԻՆ ՓՈՍՏ 10031154@e-citizen.am (միայն e-citizen.am համակարգով ծանուցումների համար)

  • image5

    Հարց ու Պատասխան
  • image7

    Էլ.դիմում
  • image9

    Տեսադարան
  • image2

    Պատկերասրահ
  • image12

    Եղանակ
  • dzevatxerrr

    Ձևաթղթեր