- Վանաձոր - http://vanadzor.am -

Վանաձորի քաղաքապետ. «Շահարկումը թողնում են դրանց հեղինակների խղճի վրա»

Posted By Vanadzor On February 22, 2013 @ 18:38 In Լուրեր | No Comments

Փետրվարի 18-ին կայացած նախագահական արդյունքների վերաբերյալ Times.am-ը զրուցել է Վանաձորի քաղաքապետ Սամվել Դարբինյանի հետ:

-Պարոն Դարբինյան, ի՞նչ եզրակացությունների կարելի է հանգել հանրապետության երրորդ քաղաքում կայացած ընտրությունների արդյունքներից:

– Արդյունքները միանշանակ գոհացուցիչ չեն: Դեռևս շարունակվում են կատարված աշխատանքների և ստացված արդյունքների վերլուծությունները: Առայժմ կարելի է փաստել,որ 2012 թվականի խորհրդարանական և ՏԻՄ ընտրությունները, ինչպես նաև 2013 թվականի նախագահական ընտրությունները Վանաձորում հիմնականում անցել են օրենքի ոգուն և տառին համապատասխան: Այդ են վկայում նաև դիտորդների գնահատականները և այն փաստը, որ Վանաձոր քաղաքն ընդրգրկող ընտրատարածքային հանձնաժողովները ոչ մի բողոք չեն ստացել:

Այս առումով ես համարում եմ, որ մեր ժողովրդի և համաքաղաքացիներիս գիտակցական մակարդակը և քաղաքական մշակույթը շատ բարձր մակարդակի վրա է: Սակայն բուն արդյունքներն անսպասելի էին շատերիս համար: Այո, պետք է լրջորեն վերլուծել արդյունքները և որպես ՏԻՄ համակարգի ղեկավար, մտադիր եմ նոր մոտեցումներ ու վարչարության նոր գործիքներ կիրառել աշխատանքի մեջ: Թեև երկարատև աշխատանքային փորձս ցույց է տալիս, որ դժգոհություների հիմքում սոցիալական խնդիրներն են:

– Պարոն Դարբինյան, մի շարք էլեկտրոնային լրատվամիջոցներ մեջբերում են արել ձեր հեռախոսազրույցից, ուր դուք ասել եք հետևյալը. «Դա մեր առաջնորդի պարտությունը չէր, դա մեր ժողովրդի անգիտակից լինելն էր», ինչպե՞ս կմեկնաբանեք.

-Որոշ լրատվամիջոցներ փորձել են շահարկել և խեղաթյուրել կարճատև խոսակացության ընթացքում հնչած մտքերը: Որպես քրիստոնյա, շահարկումը թողնում են դրանց հեղինակների խղճի վրա: Հինգ անգամ ժողովրդի վստահությունը շահած քաղաքապետը ամենից լավ գիտի ինչ բարձր գիտակցական մակարդակ ունի իր ժողովուրդը: Գուցե և մեր մեղքն է, որ քարոզչական ճանապարհով չենք կարողացել յուրաքանչյուր վանաձորցու գիտակցությանը հասցել վերջին հինգ տարում կատարված աշխատանքները և այն հեռանկարները, որոնք սպասում են ոչ միայն երկրի բնակչությանը, այլ նաև Վանաձորին և վանաձորցիներին: Գուցե և այս հարցում իրապես թերացել ենք:

Ես սա եմ նկատի ունեցել, թեև հնարավոր է , որ ոչ ճիշտ բառ եմ օգտագործել: Ես երբեք իմ համաքաղացիներին անգիտակից չեմ համարել և չեմ կարող համարել: Հայցում եմ այն համաքաղաքացիներիս ներողամտությունը, որոնք անբարեխիղճ ու անպատասխանատու անձերի կողմից իմ խոսքերի անտեղի և միտումնավոր խեղաթյուրման արդյունքում թյուրիմացության մեջ են ընկել:


Article printed from Վանաձոր: http://vanadzor.am

URL to article: http://vanadzor.am/shaharkumy-tvoghnum-yen-drants-heghinakneri-khghchi-vra/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fshaharkumy-tvoghnum-yen-drants-heghinakneri-khghchi-vra%2F&t=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF.+%C2%AB%D5%87%D5%A1%D5%B0%D5%A1%D6%80%D5%AF%D5%B8%D6%82%D5%B4%D5%A8+%D5%A9%D5%B8%D5%B2%D5%B6%D5%B8%D6%82%D5%B4+%D5%A5%D5%B6+%D5%A4%D6%80%D5%A1%D5%B6%D6%81+%D5%B0%D5%A5%D5%B2%D5%AB%D5%B6%D5%A1%D5%AF%D5%B6%D5%A5%D6%80%D5%AB+%D5%AD%D5%B2%D5%B3%D5%AB+%D5%BE%D6%80%D5%A1%C2%BB

[2] Twitter: https://twitter.com/intent/tweet?text=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF.+%C2%AB%D5%87%D5%A1%D5%B0%D5%A1%D6%80%D5%AF%D5%B8%D6%82%D5%B4%D5%A8+%D5%A9%D5%B8%D5%B2%D5%B6%D5%B8%D6%82%D5%B4+%D5%A5%D5%B6+%D5%A4%D6%80%D5%A1%D5%B6%D6%81+%D5%B0%D5%A5%D5%B2%D5%AB%D5%B6%D5%A1%D5%AF%D5%B6%D5%A5%D6%80%D5%AB+%D5%AD%D5%B2%D5%B3%D5%AB+%D5%BE%D6%80%D5%A1%C2%BB&url=http%3A%2F%2Fvanadzor.am%2Fshaharkumy-tvoghnum-yen-drants-heghinakneri-khghchi-vra%2F

[3] Google+0: https://plus.google.com/share?url=http%3A%2F%2Fvanadzor.am%2Fshaharkumy-tvoghnum-yen-drants-heghinakneri-khghchi-vra%2F

[4] Pinterest0: #

Copyright © 2017 Վանաձոր. All rights reserved.