Համաքաղաքային շաբաթօրյակ

Հարգելի համաքաղաքացիներ 
Վանաձոր համայնքի ղեկավարի և ավագանու նախաձեռնությամբ 2017 թվականի ապրիլի 22-ին Վանաձորում կանցկացվի համաքաղաքային շաբաթօրյակ:

Վանաձորի համայնքապետարանը կոչ է անում քաղաքում գործող հիմնարկ-ձեռնարկությունների, կազմակերպությունների, ուսումնական հաստատությունների կոլեկտիվներին և բոլոր վանաձորցիներին, ակտիվորեն մասնակցել քաղաքի բարեկարգման աշխատանքներին: Շաբաթօրյակին ակտիվ մասնակցություն ցուցաբերած կազմակերպությունները և քաղաքացիական նախաձեռնող խմբերը կխրախուսվեն համայնքապետարանի կողմից:
Կոմունալ տնտեսության և բարեկարգման բաժնի կողմից կտրամադրվեն աղբահավաք մեքենաներ՝ հավաքված աղբը տեղափոխելու համար: Խնդրվում է շաբաթօրյակին մասնակից կազմակերպությունների կոլեկտիվներին, նախաձեռնող քաղաքացիական խմբերին իրենց մասնակցության մասին նախապես տեղեկացնել համայնքապետարանի կոմունալ տնտեսության և բարեկարգման բաժին, հեռ. ՝ 0322 4 00 25 , 060 65 95 95, աղբահավաք մեքենաների քանակի պլանավորման և տրամադրման նպատակով:

You May Also Like

Leave a Reply