- Վանաձոր - http://vanadzor.am -

ՎԱՆԱՁՈՐ ՀԱՄԱՅՆՔԻ ՂԵԿԱՎԱՐԻ ԵՎ ԱՎԱԳԱՆՈՒ ՇՆՈՐՀԱՎՈՐԱՆՔԸ

Posted By Vanadzor On December 25, 2016 @ 18:30 In Լուրեր | No Comments

Հաշված օրեր անց ձեզ հետ միասին հրաժեշտ կտանք Հայաստանի Հանրապետության անկախացման  25-ամյակն ամփոփող 2016 թվականին:

Կասկածից վեր է, որ այն մեզ համար եղել է մեր երկրի անկախության կոփման ու կռման, հաջողությունների կերտման ու անհաջողությունների հաղթահարման, երկրի առջև ծառացած խնդիրների հարթեցման ժամանակահատված: Անկեղծորեն պետք է խոստովանել, որ երբեք դյուրին չի եղել ցանկալիին հասնելու՝ մաքառումներ պահանջող ճանապարհը:  Ի փառս մեր ժողովրդի՝ հայը ոչինչ չի խնայել և չի խնայում անվտանգ հայրենիք ունենալու և հայավայել ապրելու պայմաններ ստեղծելու համար:

Իրականում անցնող տարին աչքի ընկավ ձեռքբերումներով ու ցավալի կորուստներով, բարու և չարի հավերժական պայքարով: Այդուհանդերձ մեր ժողովրդի բազմադարյա պատմության անցած բոլոր ժամանակների  օրինակով  անցնող տարին ևս ապացուցեց հայի ապրելու և ապրեցնելու անկոտրում կամքը, աշխարհն ու շրջապատը բարով ու գեղեցիկով պարուրելու անթաքույց ձգտումը, նպատակասլաց վճռականությամբ անցանկալին հաղթահարելու և արհամարհելու հաստատակամությունը, անհրաժեշտ պահին բռունցքվելու անօրինակ կարողությունը:

Ջերմորեն շնորհավորելով ձեզ Ամանորի և Սուրբ Ծննդյան տոների առթիվ՝ մաղթում ենք քաջառողջություն, խաղաղ երկինք ու մանկան հեքիաթային հավատով փայփայած երազների ու ցանկությունների իրականացում: Համոզված ենք, որ լինելով անձնական ու երկրի ճակատագրերի ճարտարապետները՝ համատեղ ջանքերով կշենացնենք մեր օրրանն ու այն կդարձնենք աշխարհասփյուռ հայերի տունդարձի փարոս:

Թող գալիք տարում ընդմիշտ մոռացվի մեր աշխարհի մասին կռունկից խաբրիկ հարցնելու հայի սովորությունը:

 

Շնորհավոր Ամանոր և Սուրբ Ծնունդ:


Article printed from Վանաձոր: http://vanadzor.am

URL to article: http://vanadzor.am/new-year-2017/

URLs in this post:

[1] Facebook5: https://www.facebook.com/sharer/sharer.php?u=http%3A%2F%2Fvanadzor.am%2Fnew-year-2017%2F&t=%D5%8E%D4%B1%D5%86%D4%B1%D5%81%D5%88%D5%90+%D5%80%D4%B1%D5%84%D4%B1%D5%85%D5%86%D5%94%D4%BB+%D5%82%D4%B5%D4%BF%D4%B1%D5%8E%D4%B1%D5%90%D4%BB+%D4%B5%D5%8E+%D4%B1%D5%8E%D4%B1%D4%B3%D4%B1%D5%86%D5%88%D5%92+%D5%87%D5%86%D5%88%D5%90%D5%80%D4%B1%D5%8E%D5%88%D5%90%D4%B1%D5%86%D5%94%D4%B8

[2] Twitter: https://twitter.com/intent/tweet?text=%D5%8E%D4%B1%D5%86%D4%B1%D5%81%D5%88%D5%90+%D5%80%D4%B1%D5%84%D4%B1%D5%85%D5%86%D5%94%D4%BB+%D5%82%D4%B5%D4%BF%D4%B1%D5%8E%D4%B1%D5%90%D4%BB+%D4%B5%D5%8E+%D4%B1%D5%8E%D4%B1%D4%B3%D4%B1%D5%86%D5%88%D5%92+%D5%87%D5%86%D5%88%D5%90%D5%80%D4%B1%D5%8E%D5%88%D5%90%D4%B1%D5%86%D5%94%D4%B8&url=http%3A%2F%2Fvanadzor.am%2Fnew-year-2017%2F

[3] Google+0: https://plus.google.com/share?url=http%3A%2F%2Fvanadzor.am%2Fnew-year-2017%2F

[4] Pinterest0: #

Copyright © 2017 Վանաձոր. All rights reserved.