- Վանաձոր - http://vanadzor.am -

Վանաձորում ավարտվեց մենապայքարային մարզաձևերի առաջնությունը

Posted By Vanadzor On June 11, 2015 @ 17:29 In Լուրեր | No Comments

Համաձայն Վանաձորի քաղաքապետարանի ֆիզկուլտուրայի և սպորտի բաժնի 2015թ-ի մարզական միջոցառումների օրացույցային պլանի, դեռ ապրիլին Վանաձորում մեկնարկեց մենապայքարային մարզաձևերի առաջնությունը, որին ընդհանուր առմամբ ընդգրկված էր 5 մարզաձև: Հանդես եկան ավելի քան 350 մասնակիցներ: Մեկնարկը տրվեց ծանրամարտով, այնուհետ արդեն սամբո, ձյուդո, ազատ ըմբշամարտ, իսկ մենապայքարային մարզաձևերից վերջինը՝ բռնցքամարտի պատանիների առաջնությունը, ավարտվեց օրերս: Առաջնությանը մասնակցեց 70 բռնցքամարտիկ՝ 16 քաշային կարգերում:
Կազմակերպված բոլոր մրցումներն անցել են բարձր մակարդակով, վստահեցնում է ֆիզկուլտուրայի և սպորտի բաժնի պետ Գևորգ Մացակյանը: Բոլոր 5 առաջնությունների հաղթողներն ու մրցանակակիրները պարգևատրվել են քաղաքապետարանի կողմից սահմանված պատվոգրերով, մեդալներով ու նվերներով:
Կազմակերպվող մրցումները տարեցտարի ավելի մեծ թափ են ստանում: Այս տարվա բաց առաջնություններին ակտիվորեն մասնակցել են մարզի այլ համայնքների մարզիկներ ևս: Վանաձորի կրտսեր տարիքի պատանիների բաց առաջնություններին իրենց մասնակցությունն են բերել Ալավերդու, Սպիտակի, Ստեփանավանի և Գուգարքի տարածաշրջանի մարզիկները: Քաղաքի առաջնություններում հաղթած մարզիկները հիմնականում ընդգրկվում են քաղաքի հավաքական թիմի կազմում և մասնակցում հանրապետական մրցումներին: Բաժնի պետը վստահեցնում է՝ տարին մարզական է վանաձորցիների համար: Այս տարվա լուրջ հաղթանակներն արդեն գրանցված են: Վանաձորն այս ամիսներին արդեն իսկ հասցրել է գրանցել բազմաթիվ հաջողություններ՝ միջազգային մրցումների հաղթողներ, Եվրոպայի չեմպիոն և ոչ միայն:
Բաժինը այժմ զբաղվում է օգոստոսի 8-13-ը կայանալիք համահայկական խաղերի կազմակերպչական աշխատանքներով, որտեղ վանաձորցի մարզիկները հանդես կգան 8 մարզաձևերում: Վանաձորը համահայկական խաղերին կհյուրընկալի շուրջ 200 մարզիկ-մարզուհիների և հյուրերի աշխարհի տարբեր երկրներից: Առաջիկա օրերին կկայանա քաղաքի <Հուսո գավաթ> ֆուտբոլի մրցաշարը, սպորտային մարմնամարզության մրցումներ, շախմատի պատանիների և թեթև ատլետիկայի առաջնությունը:

Վանաձորի քաղաքապետարան


Article printed from Վանաձոր: http://vanadzor.am

URL to article: http://vanadzor.am/menapayqarayin-marzadzev/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fmenapayqarayin-marzadzev%2F&t=%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4+%D5%A1%D5%BE%D5%A1%D6%80%D5%BF%D5%BE%D5%A5%D6%81+%D5%B4%D5%A5%D5%B6%D5%A1%D5%BA%D5%A1%D5%B5%D6%84%D5%A1%D6%80%D5%A1%D5%B5%D5%AB%D5%B6+%D5%B4%D5%A1%D6%80%D5%A6%D5%A1%D5%B1%D6%87%D5%A5%D6%80%D5%AB+%D5%A1%D5%BC%D5%A1%D5%BB%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8

[2] Twitter: https://twitter.com/intent/tweet?text=%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4+%D5%A1%D5%BE%D5%A1%D6%80%D5%BF%D5%BE%D5%A5%D6%81+%D5%B4%D5%A5%D5%B6%D5%A1%D5%BA%D5%A1%D5%B5%D6%84%D5%A1%D6%80%D5%A1%D5%B5%D5%AB%D5%B6+%D5%B4%D5%A1%D6%80%D5%A6%D5%A1%D5%B1%D6%87%D5%A5%D6%80%D5%AB+%D5%A1%D5%BC%D5%A1%D5%BB%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8&url=http%3A%2F%2Fvanadzor.am%2Fmenapayqarayin-marzadzev%2F

[3] Google+0: https://plus.google.com/share?url=http%3A%2F%2Fvanadzor.am%2Fmenapayqarayin-marzadzev%2F

[4] Pinterest0: #

Copyright © 2017 Վանաձոր. All rights reserved.