- Վանաձոր - http://vanadzor.am -

Մեկ պատուհանի սկզբունքով քաղաքացիների սպասարկում Վանաձորում

Posted By Vanadzor On November 29, 2017 @ 17:55 In Լուրեր | No Comments

Նոյեմբերի 29-ը շրջադարձային պահ կարելի է համարել  Վանաձորի համայնքապետարանի և վանաձորցիների համար: Հանդիսավոր պայմաններում տեղի ունեցավ Վանաձորի համայնքապետարանի Քաղաքացիների սպասարկման գրասենյակի (ՔՍԳ) պաշտոնական բացման արարողությունը: Սա Լոռու մարզում թվով երրորդ սպասարկման գրասենյակն էր: Մինչ այդ նման գրասենյակներ էին բացվել Ալավերդի և Թումանյան համայնքներում: Բացման արարողությանը մասնակցում էին ՀՀ ՏԿԶ նախարարի առաջին տեղակալ Վաչե Տերտերյանը, Գուգարաց Թեմի առաջնորդ Սեպուհ արք. Չուլջյանը, ՀՀ-ում Գերմանիայի Դաշնային Հանրապետության արտակարգ և լիազոր դեսպան Մաթիաս Քիսլերը,  ԱՄՆ ՄԶԳ ապակենտրոնացման ծրագրի մասնագետ Արթուր Դրամփյանը, Լոռու մարզպետ Արթուր Նալբանդյանը, , ովքեր էլ իրենց ելույթներում կարևորեցին նման գրասենյակի բացումը Վանաձորի համայնքապետարանում և այդ առիթով իրենց շնորհավորանքի խոսքերն ուղղեցին վանաձորցիներին:

Վանաձոր համայնքի ղեկավար Մամիկոն Ասլանյանն իր հերթին շնորհակալություն հայտնեց Գերմանիայի դաշնության, ԱՄՆ-ի և Շվերցարիայի կառավարություններին աջակցության համար, համայնքի խնդրանքին ընդառաջելու և ծրագիրն իրականություն դարձնելու համար:

Նա նաև հատուկ ընդգծեց Լոռու մարզպետի և ՀՀ ՏԿԶ նախարարության շահագրգիռ մասնակցությունը ծրագրի իրականացման բոլոր փուլերում:

Տեղեկացնենք, որ գրասենյակը հիմնադրվել է Գերմանիայի միջազգային համագործակցության ընկերության (ԳՄՀԸ) կողմից իրականացվող «Լավ տեղական ինքնակառավարում Հարավային Կովկասում» ծրագրի շրջանակում Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում՝ Շվեյցարիայի զարգացման և համագործակցության գործակալության (ՇԶՀԳ) և ԱՄՆ միջազգային զարգացման գործակալության (ԱՄՆ ՄԶԳ) և Վանաձորի համայնքապետարանի համաֆինանսավորմամբ: Ծրագիրն իրականացվել է ՀՀ տարածքային կառավարման և զարգացման նախարարության (ՏԿԶՆ) հետ համատեղ։

Այս գրասենյակի նպատակը «Մեկ պատուհան» սկզբունքով քաղաքացիներին բարձրորակ ծառայությունների մատուցումն է, ինչն էլ իր հերթին ենթադրում է տեղական ինքնակառավարման  մարմինների գործունեության արդյունավետության և թափանցիկության բարձրացում, համայնքապետարանի և քաղաքացու միջև առավել մատչելի և դյուրին հաղորդակցության ապահովում: Այդ նպատակով   ՔՍԳ-ի գործունեությունը ժամանակակից տեխնոլոգիաներով իրականացնելու նպատակով համյանքապետարանում ներդրվել է Համայնքային կառավարման տեղեկատվական համակարգը (ՀԿՏՀ): Սպասարկման գրասենյակի համայնքային ծառայողներն անցել են վերապատրաստման դասընթացներ:

Ինչ ծառայություններ են մատուցվելու գրասենյակում քաղաքացուն, ով պատրաստվում է այցելել համայնքապետարան.

  1. Դիմուների և գրությունների ընդունում, պատասխանների տրամադրում
  2. Համապատասխան տեղեկանքների տրամադրում
  3. Թույլտվությունների տրամադրում
  4. Գույքահարկի և հողի հարկի հաշվարկում և գանձում
  5. Վարձակալական վճարների հաշվարկում և գանձում
  6. Աղբահանության վճարների հաշվարկում և գանձում
  7. Տեղական տուրքերի հաշվարկում և գանձում
  8. Տվյալների հաշվառում
  9. Տեղեկատվության տրամադրում
  10. Համայնքի ղեկավարի մոտ ընդունելության գրանցում:

Գործում է նաև Թեժ գիծ հետևյալ հեռախոսահամարներով՝ (+374)  322 41100  և 60 650757:

Քաղաքացիների սպասարկման գրասենյակի աշխատանքային ժամերն են ՝ 09:00-18.00, ընդմիջում ՝ 13.00-14.00


Article printed from Վանաձոր: http://vanadzor.am

URL to article: http://vanadzor.am/mek-patuhan/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fmek-patuhan%2F&t=%D5%84%D5%A5%D5%AF+%D5%BA%D5%A1%D5%BF%D5%B8%D6%82%D5%B0%D5%A1%D5%B6%D5%AB+%D5%BD%D5%AF%D5%A6%D5%A2%D5%B8%D6%82%D5%B6%D6%84%D5%B8%D5%BE+%D6%84%D5%A1%D5%B2%D5%A1%D6%84%D5%A1%D6%81%D5%AB%D5%B6%D5%A5%D6%80%D5%AB+%D5%BD%D5%BA%D5%A1%D5%BD%D5%A1%D6%80%D5%AF%D5%B8%D6%82%D5%B4+%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4

[2] Twitter: https://twitter.com/intent/tweet?text=%D5%84%D5%A5%D5%AF+%D5%BA%D5%A1%D5%BF%D5%B8%D6%82%D5%B0%D5%A1%D5%B6%D5%AB+%D5%BD%D5%AF%D5%A6%D5%A2%D5%B8%D6%82%D5%B6%D6%84%D5%B8%D5%BE+%D6%84%D5%A1%D5%B2%D5%A1%D6%84%D5%A1%D6%81%D5%AB%D5%B6%D5%A5%D6%80%D5%AB+%D5%BD%D5%BA%D5%A1%D5%BD%D5%A1%D6%80%D5%AF%D5%B8%D6%82%D5%B4+%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4&url=http%3A%2F%2Fvanadzor.am%2Fmek-patuhan%2F

[3] Google+0: https://plus.google.com/share?url=http%3A%2F%2Fvanadzor.am%2Fmek-patuhan%2F

[4] Pinterest0: #

Copyright © 2017 Վանաձոր. All rights reserved.