- Վանաձոր - http://vanadzor.am -

«Քեսաբ» կինոդիտում և քննարկում Վանաձորում

Posted By Vanadzor On April 17, 2014 @ 10:18 In Լուրեր | No Comments

Ապրիլի 17-ին` ժամը 15:00-ին, Վանաձորի Շառլ Ազնավուրի անվան մշակույթի պալատում (հասցեն՝ Տիգրան Մեծի 2, ք. Վանաձոր) «Մեդիա կենտրոն»-ի նախաձեռնությամբ տեղի կունենա «Քեսաբ» ֆիլմաշարի առաջին մասի ցուցադրությունը: Ֆիլմին կհաջորդի քննարկում ֆիլմի համահեղինակ, ռեժիսոր Նանե Բագրատունու հետ:

Ֆիլմաշարի առաջին ֆիլմը ներկայացնում է Սիրիայի և Թուրքիայի սահմանին, Միջերկրական ծովի ափին գտնվող հին հայկական բնակավայրի` Քեսաբի պատմությունը:

Ֆիլմում ներկայացվում է քեսաբցու կյանքն ու գոյատևման գաղտնիքները, ազգային ինքագիտակցությունն ու մշակութային առանձնահատկությունները, Քեսաբ հայկական մշակութային կղզին, որը հարատևել է թուրքական պետության եռակողմ հարևանությամբ, արաբների հետ համակցությամբ:

Ֆիլմի հերոսները հենց տեղաբնակներն են` Քեսաբի բնակիչները. նրանք, ներկայացնելով իրենց պատմությունը սկսած մեր թվարկությունից առաջ` Տիգրան Մեծի ժամանակներից, հասնում են մինչ 21-րդ դար: Անդրադառնում են թուրքերի կողմից կազմակերպած 1909թ.-ի տեղահանությանն ու թալանին, 1915թ.-ի հայոց եղեռնին, և դրանից 3 տարի անց իրենց վերադարձին:

Քեսաբցի գիտնական, ազգագրագետ Հակոբ Չոլաքյանը, արաբ գիտնական Նիզար Խալիլին, պատմում են Քեսաբի պատմությունը փաստերով, իսկ բնակիչները` փոքրիկ դպրոցահասակներից մինչ տարեցներ ներկայացնում են իրենց անձնական պատմությունները, մասնավոր դիպվածներ:

102-ամյա քեսաբցի Գալիլ Նանան /Գալիլիա Մանճիկյանը/, ով 1915թ.-ին 7 ամյա աղջնակ է եղել, պատմում է եղեռնի մասին իր հիշողությունները` խոսելով իր ձեռքի փրկարար դաջվածքի մասին:

«Քեսաբ» վավերագրական ֆիլմ-նախագծի մտահղացման հեղինակներն են Մխիթարյան միաբանության վարդապետ Հայր Համազասպ Քեշիշյանը, Նորայր Մելքոնյանը, Նանե Բագրատունին, Լիպարիտ Ասատրյանը: Ֆիլմը նկարահանվել է 2009-2010թթ.-ին:

Հավելյալ տեղեկությունների համար խնդրում ենք զանգահարել «Մեդիա կենտրոն» (+374 60) 505 898, (+374 99) 755 898: Էլ փոստ` mediacenter@mynews.am:


Article printed from Վանաձոր: http://vanadzor.am

URL to article: http://vanadzor.am/kyesab-kinoditum-yev-knnarkum-vanadzorum/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fkyesab-kinoditum-yev-knnarkum-vanadzorum%2F&t=%C2%AB%D5%94%D5%A5%D5%BD%D5%A1%D5%A2%C2%BB+%D5%AF%D5%AB%D5%B6%D5%B8%D5%A4%D5%AB%D5%BF%D5%B8%D6%82%D5%B4+%D6%87+%D6%84%D5%B6%D5%B6%D5%A1%D6%80%D5%AF%D5%B8%D6%82%D5%B4+%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4

[2] Twitter: https://twitter.com/intent/tweet?text=%C2%AB%D5%94%D5%A5%D5%BD%D5%A1%D5%A2%C2%BB+%D5%AF%D5%AB%D5%B6%D5%B8%D5%A4%D5%AB%D5%BF%D5%B8%D6%82%D5%B4+%D6%87+%D6%84%D5%B6%D5%B6%D5%A1%D6%80%D5%AF%D5%B8%D6%82%D5%B4+%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4&url=http%3A%2F%2Fvanadzor.am%2Fkyesab-kinoditum-yev-knnarkum-vanadzorum%2F

[3] Google+0: https://plus.google.com/share?url=http%3A%2F%2Fvanadzor.am%2Fkyesab-kinoditum-yev-knnarkum-vanadzorum%2F

[4] Pinterest0: #

Copyright © 2017 Վանաձոր. All rights reserved.