- Վանաձոր - http://vanadzor.am -

Խորհրդակցություն 21.01.2013

Posted By Vanadzor On January 21, 2013 @ 17:41 In Լուրեր | No Comments

Հերթական աշխատանքային խորհրդակցությունը: 2013 թվականի հունվարի 21-ին տեղի ունեցավ Վանաձորի քաղաքապետարանի հերթական աշխատանքային խորհրդակցությունը, որը վարում էր քաղաքապետ Սամվել Դարբինյանը: Քաղաքապետը քաղաքի բոլոր թաղամասեր կատարած շրջայցի արդյունքում իր գնահատականը ներկայացրեց ձնահեռացման և կենցաղային աղբի հեռացման վիճակի վերաբերյալ: Հանձնարարվեց շաբաթվա ընթացքում հեռացնել նաև աղբաթափության համար սահմանված վայրերի շուրջ սփռված և սառցակալած աղբի մնացորդները: Քաղաքապետը պահանջեց արագ կարգով քաղաքի մայթերին աղաավազային խառնուրդ լցնել, ինչը թույլ կտա սառցակալած որոշ մայթեր դարձնել անցանելի անցորդների համար:

Կարևորվեց կարճ ժամկետում թափառող կենդանիների վերացման հարցը, քանի որ հատկապես քաղաքի ծայրամասերում նկատելի է այդ կենդանիների քանակական աճը:

Աշխատանքային խորհրդակցության ընթացքում քննարկվեց նաև 2013 թվականի փետրվարի 3-ին ՛՛Լոռվա ձմեռ՛՛ տոնակատարության անցկացման նախապատրաստական աշխատանքների ընթացքը:

Խորհրդակցությունում անդրադարձ եղավ նաև առևտրի և սպասարկման օբյեկտների սեփականատերերի կողմից իրենց օբյեկտներին հարող տարածքների մաքրման, ձնահեռացման և պատշաճ տեսքի բերելու պարտականություններին: Եթե նախկինում այդ պարտականությունները հիմնվում էին սեփականատիրոջ կամավորության վրա, ապա քաղաքապետի հանձնարարությամբ համապատասխան ստորաբաժանումները կմշակեն և առաջարկություն կներկայացնեն այդ պարտականություններն արդեն իրավական հիքի վրա դնելու նպատակով: Տեղեկացվեց նաև , որ վերջին մեկ շաբաթվա ընթացքում քաղաքում փոխվել է երեք բացակայող դիտահոր, որից մեկն արդեն իսկ անբարեխիղճ քաղաքացիների կողմից տարվել է անհայտ ուղղությամբ: Քաղաքապետը կրկին հիշեցրեց , որ կարևոր է բացատրական աշխատանք տանել ազգաբնակչության շրջանում, որպեսզի նման դեպքերը չկրկնվեն:

Խորհրդակցության ընթացքում քաղաքապետ Սամվել Դարբինյանը հանձնարարականներ տվեց նաև փողոցների լուսավորության և որոշ խաչմերուկներում լուսացույցերի խափանված աշխատանքը վերականգնելու վերաբերյալ: Խորհրդակցության ընթացքում տեղեկացվեց նաև,որ հունվարի 13-18 ժամանակահատվածում Վանաձորում ծնվել են 33 երեխաներ, գրանցված մահերը՝ 19-ը: Քաղաքապետը մեկ անգամ ևս հիշեցրեց, որ քաղաքացիները և շահագրգիռ կառույցները քաղաքապետարանի բյուջեին և նախագահի թեկնածուների համար առանձնացված նախընտրական քարոզչական պաստառների անվճար փակցման տեղերին կարող են ծանոթանալ www.vanadzor.am կայքում:


Article printed from Վանաձոր: http://vanadzor.am

URL to article: http://vanadzor.am/khorhrdaktsutyun-21-01-2013/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fkhorhrdaktsutyun-21-01-2013%2F&t=%D4%BD%D5%B8%D6%80%D5%B0%D6%80%D5%A4%D5%A1%D5%AF%D6%81%D5%B8%D6%82%D5%A9%D5%B5%D5%B8%D6%82%D5%B6+21.01.2013

[2] Twitter: https://twitter.com/intent/tweet?text=%D4%BD%D5%B8%D6%80%D5%B0%D6%80%D5%A4%D5%A1%D5%AF%D6%81%D5%B8%D6%82%D5%A9%D5%B5%D5%B8%D6%82%D5%B6+21.01.2013&url=http%3A%2F%2Fvanadzor.am%2Fkhorhrdaktsutyun-21-01-2013%2F

[3] Google+0: https://plus.google.com/share?url=http%3A%2F%2Fvanadzor.am%2Fkhorhrdaktsutyun-21-01-2013%2F

[4] Pinterest0: #

Copyright © 2017 Վանաձոր. All rights reserved.