- Վանաձոր - http://vanadzor.am -

Խորհրդակցություն

Posted By Vanadzor On March 11, 2013 @ 10:10 In Լուրեր | No Comments

Քաղաքապետի կողմից հայտարարվեց բանավոր նկատողություն երկու բաժնի պետերին: Վանաձորի քաղաքապետարանի բաժնի պետերի և ծառայությունների ղեկավարների հերթական խորհրդակցության ընթացքում քաղաքապետ Սամվել Դարբինյանն իր դժգոհությունը հայտնեց քաղաքի սանիտարական մաքրման աշխատանքներից: Քաղաքապետի կողմից հայտարարվեց բանավոր նկատողություն Կոմունալ տնտեսության և բարեկարգման ու Համատիրությունների և բնակարանային տնտեսության բաժինների պետերին:
Սամվել Դարբինյանի առաջարկով խորհրդակցությունից հետո վերոհիշյալ բաժինների պետերի մասնակցությամբ շրջայց կատարվեց քաղաքում ՝թաղամասերի և բազմաբնակարան շենքերի սանիտարական մաքրման վիճակը գնահատելու համար:
Խնդիրն այն է , որ մինչ օրս քաղաքի փողոցների և շենքերի բակերի սանիտարական մաքրման նպատակով կիրառվող իրավական և կազմակերպչական ձևերն իրենց չեն արդարացնում: Համատիրությունների կողմից սանիտարական մաքրման աշխատանքներ չեն կատարվում բազմաբնակարան շենքերի բակերում, իսկ մրցույթներում շահած կազմակերպությունների կողմից փողոցների և մայքերի մաքրման աշխատանքներն անբավարար են:

1030 բազմաբնակարան շենքեր ունեցող քաղաքում գրանցված են 68 համատիրություններ, սակայն միայն եզակիներն են, որ իրականացնում են բակերի տարրական սանիտարական մաքում, թեև պարբերաբար սպասարկման վարձավճարներ են գանձում բնակիչներից: Ինչպես փաստեց քաղաքապետը, նախկին մոտեցումներն ու վարչարարական մեթոդներն այլևս չեն արդարացնում իրենց: Քաղաքապետը հանձնարարեց փոխքաղաքապետին և համապատասխան բաժինների պետերին մշակել և կարճ ժամկետում սանիտարական մաքրման աշխատանքների իրականացման նպատակով հիմնավոր առաջարկություններ ներկայացնել նոր վարչարական և իրավական ձևերի ընտրության համար: Խորհրդակցության ընթացքում հնչեցին նաև մտահոգիչ վիճակագրական տվյալներ: Անցյալ շաբաթ, առաջին անգամ, Վանաձոր քաղաքում մահերի թիվը գերազանցել է ծնունդներին: Գրանցվել է 27 ծնունդ և 30 մահ: Չի բացառվում, որ հաջորդ շաբաթ ծնունդների և մահերի մակարդակները կրկին հավասարվեն, սակայն մտայհոգությունը տեղին է:


Article printed from Վանաձոր: http://vanadzor.am

URL to article: http://vanadzor.am/khorhrdaktsutyun-11-03-2013/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fkhorhrdaktsutyun-11-03-2013%2F&t=%D4%BD%D5%B8%D6%80%D5%B0%D6%80%D5%A4%D5%A1%D5%AF%D6%81%D5%B8%D6%82%D5%A9%D5%B5%D5%B8%D6%82%D5%B6

[2] Twitter: https://twitter.com/intent/tweet?text=%D4%BD%D5%B8%D6%80%D5%B0%D6%80%D5%A4%D5%A1%D5%AF%D6%81%D5%B8%D6%82%D5%A9%D5%B5%D5%B8%D6%82%D5%B6&url=http%3A%2F%2Fvanadzor.am%2Fkhorhrdaktsutyun-11-03-2013%2F

[3] Google+0: https://plus.google.com/share?url=http%3A%2F%2Fvanadzor.am%2Fkhorhrdaktsutyun-11-03-2013%2F

[4] Pinterest0: #

Copyright © 2017 Վանաձոր. All rights reserved.