- Վանաձոր - http://vanadzor.am -

Կայացավ Վանաձորի Ավագանու տարեվերջյան նիստը:

Posted By Vanadzor On December 4, 2013 @ 09:44 In Լուրեր | No Comments

Եթե մինչև Ամանոր արտահերթ նիստ չգումարվի, ապա կարելի է փաստել, որ Ավագանին 15 նիստերով ավարտեց 2012-13 թթ. նստաշրջանը: Դեկտեմբերի 4-ի ավագանու նիստում որոշվեց դադարեցնել թիվ 1,3,4,7,13 թաղամասային հիմնարկների գործունեությունը: Համարվում է , որ թաղապետարանները կրկնում են համատիրությունների աշխատանքը և պարտականությունները: Այդ քայլով քաղաքապետարանը հնարավորություն կունենա խնայել ամենաքիչը 21 մլն դրամ, ինչը շատ կարևոր է քաղաքի հաջորդ տարվա բյուջետային հավասարակշռության համար: Վստահություն կա , որ թաղապետարանների գործունեության դադարեցումից հետո հսկիչների և անձնակազմի մի մասը այլ իրավական կարգավիճակով կընդգրկվեն քաղաքապետարանի կառուցվածքում:

Ավագանին նաև համաձայնություն տվեց համայնքի ղեկավարի կողմից ներկայացված տնօրենների թեկնածությանը՝

«Հորովել» ժողովրդական երգի-պարի համույթի տնօրեն՝ Արմեն Ներսիսյան

«Բոհեմ» կամերային թատրոնի տնօրեն ՝ Գայանե Այվազյան

Թիվ 8 նախադպրոցական հաստատություն ՝ Ալլա Դարբինյան

Թիվ 33 նախադպրոցական հաստատություն՝ Գայանե Սարգսյան

Թիվ 2 նախադպրոցական հաստատություն ՝ Աննա Դարբինյան

Թիվ 34 նախադպրոցական հաստատություն՝ Արփինե Սարիբեկյան

2012 թվականի սեպտեմբերի 9-ին կայացած ՏԻՄ ընտրություններից հետո ձևավորվեց Վանաձորի ավագանին՝ 21 անդամով: Հետագայում ավագանիներից մեկը զորակոչվեց և Ավագանին շարունակեց գործունեությունը 20 անդամով: Ձևավորումից հետո Ավագանին մինչ օրս ունեցել է 14 նիստ, իսկ 15-րդը կկայանա 2013 թվականի դեկտեմբերի 4-ին:

Անցել է բավականին ժամանակ և կարելի է ամփոփել մեկ տարուց ավելի կատարած աշխատանքները: Այս ավագանու կազմը ունի երկու առանձնահատկություն. նախ, անդամների բացարձակ մեծամասնությունը երիտասարդներ են և երկրորդը՝ շուրջ 950 քվե ստացած և ընտրված ավագանու անդամը նույնպես պարտավոր է ներկայացնել 85 հազար բնակիչ ունեցող քաղաքի համայնքային շահերը:

Վերլուծելով Ավագանու նիստերի արձանագրությունները կարելի է փաստել, որ Ավագանին աշխատել է արդյունավետ , թեև մի մասի համար դեռևս դժվար է անձնական և խմբակային շահերը համադրել ողջ համայնքի շահերի հետ: Երբեմն բացակայում է նաև հարցերի քննարկման և միմյանց կարծիքը լսելու մշակույթը, ինչը կարելի է արդարացնել հարցերի կարևորությամբ և ակտիվ քննարկումնների ներքին պահանջով: Կա դեպք , երբ նիստի օրակարգում ընդգրկված էին ընդամենը մեկ տասնյակից քիչ ավելի հարցեր, և այն տևել էր երկու և ավելի ժամ: Եվ կա դեպք , երբ նմանատիպ հարցերով օրակարգով նիստը տևել է ընդամենը 30 րոպե: Սակայն սրանք բացառություններ են, և ընդհանուր առմամբ Վանաձորն ունի համայնքի խնիրներով մտահոգ և նախաձեռնող ավանգանի:


Article printed from Վանաձոր: http://vanadzor.am

URL to article: http://vanadzor.am/kayatsav-vanadzori-avaganu-tareverjyan-nisty/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Fkayatsav-vanadzori-avaganu-tareverjyan-nisty%2F&t=%D4%BF%D5%A1%D5%B5%D5%A1%D6%81%D5%A1%D5%BE+%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D4%B1%D5%BE%D5%A1%D5%A3%D5%A1%D5%B6%D5%B8%D6%82+%D5%BF%D5%A1%D6%80%D5%A5%D5%BE%D5%A5%D6%80%D5%BB%D5%B5%D5%A1%D5%B6+%D5%B6%D5%AB%D5%BD%D5%BF%D5%A8%3A

[2] Twitter: https://twitter.com/intent/tweet?text=%D4%BF%D5%A1%D5%B5%D5%A1%D6%81%D5%A1%D5%BE+%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D4%B1%D5%BE%D5%A1%D5%A3%D5%A1%D5%B6%D5%B8%D6%82+%D5%BF%D5%A1%D6%80%D5%A5%D5%BE%D5%A5%D6%80%D5%BB%D5%B5%D5%A1%D5%B6+%D5%B6%D5%AB%D5%BD%D5%BF%D5%A8%3A&url=http%3A%2F%2Fvanadzor.am%2Fkayatsav-vanadzori-avaganu-tareverjyan-nisty%2F

[3] Google+0: https://plus.google.com/share?url=http%3A%2F%2Fvanadzor.am%2Fkayatsav-vanadzori-avaganu-tareverjyan-nisty%2F

[4] Pinterest0: #

Copyright © 2017 Վանաձոր. All rights reserved.