Վանաձորի Համայնքապետարանի Պաշտոնական Կայք

Վանաձորի քաղաքապետ Սամվել Դարբինյանի ուղերձը Երեխաների պաշտպանության միջազգային օրվա առթիվ

. Լուրեր

Սիրելի՛ փոքրիկներ, հարգելի՛ ծնողներ,
Ի սրտե շնորհավորում եմ ձեզ ամենապայծառ, լուսավոր և հրաշալի տոնի` Երեխաների պաշտպանության միջազգային օրվա առթիվ:
Հունիսի 1-ը նշանավորվում է ոչ միայն ամռան առաջին օր լինելով, այլև Երեխաների պաշտպանության միջազգային օրվա շնորհիվ: Յուրաքանչյուր երեխա երջանիկ լինելու իրավունք ունի, ինչն ապահովելը բոլորիս՝ պետության, տեղական իշխանությունների, հասարակության և ընտանիքի խնդիրն է:
Վանաձորի քաղաքապետարանն էլ իր հերթին է անում հնարավորը: ՏԻՄ մարմիններն առավելագույնս ընդգրկված են երեխաների կրթության և դաստիարակության գործընթացում: Անշուշտ, նախադպրոցական կրթության համակարգում դեռևս շատ անելիքներ կան, սակայն ինչպես նախկինում, այնպես էլ այսուհետ Վանաձորի քաղաքապետարանը ջանք ու եռանդ չի խնայի երեխաների անհոգ և ուրախ մանկությունն ապահովելու հարցում: Մատաղ սերնդի առողջության, կրթության ու դաստիարակության հարցերը մշտապես գտնվում եմ մեր ուշադրության կենտրոնում:
Վանաձորի քաղաքապետարանը երեխաների իրավունքների պաշտպանության միջազգային օրվան նվիրված քաղաքի զբոսայգիներում, պուրակներում և մշակութային օջախներում կազմակերպում է միջոցառումներ` փորձելով այդ օրը վերածել իսկական տոնի մեր սիրելի փոքրիկների համար:
Երեխաների պաշտպանության միջազգային օրվա առթիվ ջերմ շնորհավորանքներս եմ հղում բոլոր երեխաներին` մաղթելով նրանց առողջություն և անամպ երկինք: Մեր նպատակն է, որ նրանք ունենան անհոգ մանկություն, արժանապատիվ ու բարեկեցիկ ապագա:
Եղե՛ք առողջ ու երջանիկ, նաև արդարացրե՛ք ձեզ հետ կապված մեր բոլոր հույսերը:

Սամվել Դարբինյան
Վանաձորի քաղաքապետ

  • arlis
  • caa
  • e-gov.am
  • lorimarz
  • migracia

ՊԱՇՏՈՆԱԿԱՆ ԷԼԵԿՏՐՈՆԱՅԻՆ ՓՈՍՏ 10031154@e-citizen.am (միայն e-citizen.am համակարգով ծանուցումների համար)

  • image5

    Հարց ու Պատասխան
  • image7

    Էլ.դիմում
  • image9

    Տեսադարան
  • image2

    Պատկերասրահ
  • image12

    Եղանակ
  • dzevatxerrr

    Ձևաթղթեր