- Վանաձորի Համայնքապետարանի Պաշտոնական Կայք - http://vanadzor.am -

Եվրոպայի օրվա տոնակատարությունների մեկնարկը տրվեց Վանաձորում

Այս տարի Եվրոպայի օրվան նվիրված միջոցառումների մեկնարկը տրվեց Վանաձորում՝ էստաֆետը փոխանցելով հանրապետության երկրորդ քաղաքին: Մինչ բուն միջոցառումներին անցնելը, առավոտյան արդեն Հայաստանում Եվրոպական Միության պատվիրակությանը իր աշխատասենյակում ընդունեց Վանաձորի քաղաքապետ Սամվել Դարբինյանը: Հանդիպման ընթացքում քննարկվեցին մի շարք հարցեր, ձեռք բերվեցին պայմանավորվածություններ համատեղ ծրագրեր իրականացնելու ուղղությամբ: Երկկողմ քննարկումից հետո արդեն Եվրոպական Միության պատվիրակությունը Հայքի հրապարակում էր. նպատակը Եվրոպայի օրը Վանաձորում տոնելն էր:

Վարպետության դաս, տեղեկատվական ու ֆոտոցուցահանդես և մշակութային տարաբնույթ այլ միջոցառումներ՝ «Եվրամիություն –Հայաստան գործընկերությունից մինչև բարեկամություն» խորագրի ներքո: Նպատակն էր՝ ներկայացնել Վանաձորում ու հարակից շրջաններում ԵՄ օժանդակությամբ իրականացվող ծրագրերը:

Եվրոպայի օրվան նվիրված միջոցառումները կամփոփվեն մայրաքաղաքում՝ մայիսի 18-24-ը:

Եվրոպայի օրը նշանավորվեց մի շարք միջոցառումներով և տոնակատարություններով, որոնք նպաստում են ևրոպական արժեքների հասանելիությանը ինչպես Հայաստանի, այնպես էլ Եվրամիության գործընկեր պետությունների քաղաքացիների համար:

Տոնական օրը Վանաձորում եզրափակվեց բացօթյա համերգով:

Էդվարդ Արզումանյան

Վանաձորի քաղաքապետարան