- Վանաձոր - http://vanadzor.am -

Վանաձորի քաղաքապետը հյուրընկալեց ԵՄ Հայաստանում պատվիրակության ղեկավարին և Գերմանիայի դեսպանին

Posted By Vanadzor On November 13, 2015 @ 15:36 In Լուրեր | No Comments

Նոյեմբերի 13-ին Վանաձորի քաղաքապետ Սամվել Դարբինյանն ընդունեց Հայաստանում Եվրամիության  պատվիրակության ղեկավար, դեսպան  Պյոտր Սվիտալսկուն, Հայաստանում Գերմանիայի Դաշնության դեսպան Մաթիաս Քիսլերին և Եվրամիության պատվիրակության Համագործակցության բաժնի ղեկավար Լաո-Բին Աջեմյանին:
Եվրամիության պատվիրակության ղեկավարը շնորհակալություն հայտնեց Վանաձորի քաղաքապետին ոչ միայն հյուրընկալության , այլ նաև Վանաձորում անցյալ տարի մայիսին առաջին անգամ «Եվրոպայի օրը» տոնի հանդիսության կազմակերպմանն աջակցելու համար: Պյոտր Սվիտալսկին առաջարկեց հաջորդ տարի ևս Վանաձորում անցկացնել   «Եվրոպայի օրը» հանդիսություն, ինչի հետ սիրով համաձայնեց Վանաձորի քաղաքապետը:
ԵՄ պատվիրակության ղեկավարը և Գերմանիայի դեսպանը հավաստիացրին, որ շարունակելու են ծրագրային աջակցություն ցուցաբերել Հայաստանի մի շարք քաղաքային համայնքների , համայնքային ենթակառուցվածքների զարգացման և հզորությունների ավելացման նպատակով:
Քննարկվեցին գերմանական KFW բանկի կողմից ֆինանսավորվող և Վանաձորում իրականացվող  «Լոռու (Վանաձոր) եւ Շիրակի (Գյումրի) մարզերի բնակավայրերի ջրամատակարարման եւ ջրահեռացման համակարգերի վերականգնում» ծրագրի երկրորդ փուլի ընթացքն ու արդյունքները: Վանաձորի քաղաքապետը, իր երախտագիտությունը հայտնեց  գերմանական կողմից աջակցության համար և դեսպանին ներկայացրեց մի շարք նկատառումներ ծրագրի արդյունավետության վերաբերյալ:
Վանաձորի քաղաքապետը նշեց, որ որպես պատվիրատու և վերահսկող կողմ համայնքն ընդգրկված չէ ծրագրի ոչ մի փուլում և արդյունքում հնարավորություն չունի որևէ ազդեցություն ունենալ կապալառուի վրա , կատարված անորակ աշխատանքները շտկելու նպատակով և  ազգաբնակչության արդարացի դժգոհության ալիքը մնում է անպատասխան:
Քաղաքապետ Սամվել Դարբինյանը մի քանի գործնական առաջարկներ արեց, որոնք թույլ կտան այսուհետ ավելի արդյունավետ դարձնել այդ ծրագրի իրականացումը և հստակեցնել պատվիրատուների պատասխանատվության չափաբաժինները:
Գերմանիայի դեսպան  Մաթիաս Քիսլերն իր հերթին խոստացավ , որ առաջիկայում կհանդիպի KFW բանկի ներկայացուցիչների հետ և կքննարկի առաջարկությունները:
Վանաձորի քաղաքապետը և Գերմանիայի դեսպանը, ԵՄ պատվիրակության ղեկավարի քաջալերանքով համաձայնեցին համատեղ  համագործակցել  գերմանական KFW բանկի հետ, փորձելով ծրագրային լուծումներ գտնել քաղաքի կոյուղաջրերի նոր մաքրման կայան և նոր աղբաթափման վայր կառուցելու նպատակով վարկային համաձայնագիր կյանքի կոչելու համար:
ԵՄ պատվիրակության ղեկավարը քաղաքապետին տեղեկացրեց, որ առաջիկայում նախատեսում են իրականացնել գյուղատնտեսության զարգացման ծրագրեր, որոնք թույլ կտան մարզում ունենալ էկոլոգիապես մաքուր արտադրանք, ինչն էլ կապահովի մրցակցային առավալույթուն սննդի շուկայում:
Կողմերը պայմանավորվեցին  ավելի հաճախ հանդիպել և քննարկել փոխադարձ հետաքրություն ներկայացնող հարցեր:

Article printed from Վանաձոր: http://vanadzor.am

URL to article: http://vanadzor.am/em-despan/

URLs in this post:

[1] Facebook12: https://www.facebook.com/sharer/sharer.php?u=http%3A%2F%2Fvanadzor.am%2Fem-despan%2F&t=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF%D5%A8+%D5%B0%D5%B5%D5%B8%D6%82%D6%80%D5%A8%D5%B6%D5%AF%D5%A1%D5%AC%D5%A5%D6%81++%D4%B5%D5%84+%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%B8%D6%82%D5%B4+%D5%BA%D5%A1%D5%BF%D5%BE%D5%AB%D6%80%D5%A1%D5%AF%D5%B8%D6%82%D5%A9%D5%B5%D5%A1%D5%B6+%D5%B2%D5%A5%D5%AF%D5%A1%D5%BE%D5%A1%D6%80%D5%AB%D5%B6+%D6%87+%D4%B3%D5%A5%D6%80%D5%B4%D5%A1%D5%B6%D5%AB%D5%A1%D5%B5%D5%AB+%D5%A4%D5%A5%D5%BD%D5%BA%D5%A1%D5%B6%D5%AB%D5%B6

[2] Twitter: https://twitter.com/intent/tweet?text=%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D6%84%D5%A1%D5%B2%D5%A1%D6%84%D5%A1%D5%BA%D5%A5%D5%BF%D5%A8+%D5%B0%D5%B5%D5%B8%D6%82%D6%80%D5%A8%D5%B6%D5%AF%D5%A1%D5%AC%D5%A5%D6%81++%D4%B5%D5%84+%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%B8%D6%82%D5%B4+%D5%BA%D5%A1%D5%BF%D5%BE%D5%AB%D6%80%D5%A1%D5%AF%D5%B8%D6%82%D5%A9%D5%B5%D5%A1%D5%B6+%D5%B2%D5%A5%D5%AF%D5%A1%D5%BE%D5%A1%D6%80%D5%AB%D5%B6+%D6%87+%D4%B3%D5%A5%D6%80%D5%B4%D5%A1%D5%B6%D5%AB%D5%A1%D5%B5%D5%AB+%D5%A4%D5%A5%D5%BD%D5%BA%D5%A1%D5%B6%D5%AB%D5%B6&url=http%3A%2F%2Fvanadzor.am%2Fem-despan%2F

[3] Google+0: https://plus.google.com/share?url=http%3A%2F%2Fvanadzor.am%2Fem-despan%2F

[4] Pinterest0: #

Copyright © 2017 Վանաձոր. All rights reserved.