Վանաձորի Համայնքապետարանի Պաշտոնական Կայք

Բանակի օրը նշվեց նաև Վանաձորում

. Լուրեր

Հայոց բանակի ստեղծման 24-րդ տարեդարձն հանդիսավորությամբ նշվեց նաև Վանաձորի Շառլ Ազնավուրի անվան մշակույթի պալատում:Միջոցառումը կազմակերպել էր Վանաձորի քաղաքապետարանը՝ երրորդ բանակային կորպուսի հետ համատեղ: Միջոցառմանը ներկա էին Վանաձորի քաղաքապետ Սամվել Դարբինյանը, փոխմարզպետ Տիգրան Բադոյանը, հոգևոր սպասավորներ, ազատամարտիկներ ու ՀՀ ՊՆ N զորամասի ժամկետային զինծառայողներ:

Հոգևոր հոր աղոթքից հետո պատվով ներս բերվեց ՀՀ պետական դրոշը, շնորհավորական  խոսքով հանդես եկավ նաև Վանաձորի քաղաքապետ Սամվել Դարբինյանը, այնուհետ արդեն համայնքի ղեկավարը մի շարք զինծառայողների ու սպայական կազմի որոշ անդամների պարգևատրեց շնորհակալագրերով ու հուշանվերներով:

Միջոցառման երկրորդ մասն առավել քան տպավորիչ էր պարտադիր ժամկետային ծառայություն անցնող զինվորների համար: Գեղեցիկ տոնական համերգ, որի ողջ ընթացքում զինվորները պարեցին ու երգեցին:

Քաղաքապետարանի կրթության և մշակույթի բաժինը ջանք ու եռանդ չէր խնայել բանակի օրը իսկական տոն դարձնելու համար: Միջոցառման հիմնական նպատակը զինվորներին հաճելի պահեր պարգևելն էր, ինչը և ստացվեց, միջոցառման ավարտին այդ մասին վստահեցրեցին նաև հենց իրենք՝ զինվորները:

Գեղեցիկ կատարումներով հանդես եկան նաև  զինծառայողները, Վանաձորի քաղաքապետարանի <Հորովել> երգի-պարի անսամբլը, կամերային երգչախումբն ու երգի թատրոնի մեներգչուհիները:

P1480408 P1480409 P1480410 P1480414 P1480419 P1480429 P1480434 P1480436 P1480439 P1480446 P1480453 P1480455 P1480456 P1480458 P1480459 P1480467 P1480469 P1480470

 

  • arlis
  • caa
  • e-gov.am
  • lorimarz
  • migracia

ՊԱՇՏՈՆԱԿԱՆ ԷԼԵԿՏՐՈՆԱՅԻՆ ՓՈՍՏ 10031154@e-citizen.am (միայն e-citizen.am համակարգով ծանուցումների համար)

  • image5

    Հարց ու Պատասխան
  • image7

    Էլ.դիմում
  • image9

    Տեսադարան
  • image2

    Պատկերասրահ
  • image12

    Եղանակ
  • dzevatxerrr

    Ձևաթղթեր