Ս/թ հուլիսի 5-ից 12-ը համաձայն Վանաձորի համայնքապետարանի ֆիզկուլտուրայի և սպորտի բաժնի
միջոցառումների պլանի, ֆուտբոլի մարզադպրոցի խաղադաշտում և քաղաքային մարզադաշտում անց է կացվել <<Հուսո գավաթ>> ֆուտբոլի բակային մրցումներ: Մրցումներին մասնակցել են թաղապետարանների և համատիրությունների 2004-
2005թթ ծնված պատանիների հավաքական բակային թվով 10 թիմ:
Առաջին տեղ է գրավել <<Առափնյա-2>> թիմը, երկրորդ տեղ` << Խնձորուտ>> թիմը, երրորդ տեղ` <<Կիրովական>>
Հաղթող և մրցանակակիր թիմերը պարգևատրվել են Վանաձորի համայնքապետարանի կողմից սահմանված
գավաթներով, մեդալներով և պատվոգրերով, իսկ 5 լավագույն խաղացողները ըստ օղակների՝ պաշտպան, կիսապաշտպան,
հարձակվող, ռմբարկու և դարպասապահ, պարգևատրվել են հուշանվեր արձանիկներով և պատվոգրերով:
Լավագույն դարպասապահ է ճանաչվել Դավիթ Դավթյանը,
լավագույն պաշտպան` Նարեկ Բարոյանը,
լավագույն կիսապաշտպան` Գոռ Համբարյանը,
լավագույն հարձակվող` Հայկ Եսայանը,
լավագույն ռմբարկու` Ժորա Փանոսյանը:
Շնորհակալագրեր են հանձնվել մրցավարներին և ֆուտբոլի մարզադպրոցի կոլեկտիվին: