- Վանաձոր - http://vanadzor.am -

Ավարատվեցին Վանաձորի 2014 թ բյուջեի նախագծի հանրային լսումները

Posted By Vanadzor On October 29, 2013 @ 11:07 In Լուրեր | No Comments

Հոկտեմբերի 29-ին Վանաձորի քաղաքապետարանի նիստերի դահլիճում կայացան Վանաձորի համայնքի 2014 թվականի տարեկան բյուջեի նախագծի քննարկման հանրային բաց լսումներ: Փաստենք, որ այս անգամ էլ վանաձորցիներն ակտիվություն հանդես չէին բերել քաղաքի գլխավոր ֆինանսական փաստաթղթի նկատմամբ, ինչպես և նախորդ հանրային լսումներին, որոնք վերաբերում էին քաղաքի գլխավոր հատակագծին: Այս անգամ էլ հանրային լսումների մասին քաղաքապետարանը հայտարարել էր առնվազն երկու շաբաթ առաջ և բյուջեի նախագիծը տեղադրել էր իր կայքում: Հանրային լսումների բացման խոսքում Վանաձորի քաղաքապետ Սամվել Դարբինյանը ևս մեկ անգամ նշեց, որ քաղաքապետարանը պատրաստ է լսել և ընդունել կշռադատված առաջարկներ:

2014թ. բյուջեն ներկայացրեց ֆինանսական բաժնի պետ Ա. Սուքիասյանը: Նա նշեց, որ բյուջեն հավասարակշռված բյուջե է, ներկայացրեց ակնկալվող եկամուտերը, ինչպես նաև հիմնավորվեց բյուջեի ծախսային հատվածը (2014թ. Համայնքային բյուջեի նախագիծը կարող եք ներբեռնել www.vanadzor.am կայքից):

Նիստին ներկա ավագանու անդամների կողմից հնչեցին մի շարք հարցեր և առաջարկներ, որոնք վերաբերում էին հանրային զուգարանի կառուցմանը, մայթերի և փողոցների վերանորգման առաջնահերթությունների վերանայմանը, հիվանդանոցներ տանող փողոցների հիմնանորոգմանը և, անգամ, ամռան ամիսներին փողոցների լվացման հնարավորությանը: Ի պատասխան առաջարկներին, Ս. Դարբինյանը նշեց, որ բյուջում պարտադիր ծախսային մասը կազմում է 97,4%, սպասվող եկամուտները արդեն տեղաբաշխված են, և ցանկալի է այդ առաջարկները ներկայացվեն գրավոր` ավելի մանրակրկիտ ուսումնասիրելու և հաշվարկելու համար: Յուրաքանչյուր նոր առաջարկ ենթադրում է կրճատում արդեն իսկ պլանավորված որևէ ծախսային հոդվածում:

2014 թվականի բյուջեով կանխատեսվում է 2338524.0 հազ.դրամ եկամուտներ , ինչն առնվազն 9.3 տոկոսով ավելին է, քան 2013 թվականին: Ընդ որում, պաշտոնական դրամաշնորհների գծով եթե դոտացիաների մասով կանխատեսումը մնացել է 2013 թվականի մակարդակի վրա`1276170, 0 հազար դրամ, ապա սուբվենցիաների գծով կանխատեսվել է 276895.0 հազար դրամ , ինչը զգալիորեն ավել է 2012 և 2013 թվականների կանխատեսումներից: Ինչպես նշել է քաղաքապետ Սամվել Դարբինյանն իր բյուջետային ուղերձում, 2014 թվականին իր և քաղաքապետարանի գործունեության մեջ առաջնային խնդիր է մնալու հողի հարկի և գույքահարկի գծով ապառքների արդյունավետ կառավարումը, ինքնակամ կառույցների` օրենքով սահմանված կարգով, օրինականացման և տնօրինման հետ կապված աշխատանքների հետագա կազմակերպումը, սեփական եկամուտների գծով մուտքերի ապահովման մակարդակի բարձրացումը, ժամկետանց պարտքերի առաջացման բացառումը և այլընտրանքային եկամուտների ներգրավման ուղղությամբ իրականացվող աշխատանքների ակտիվացումը:


Article printed from Վանաձոր: http://vanadzor.am

URL to article: http://vanadzor.am/avaratvetsin-vanadzori-2014-t-byujei-nakhagtsi-hanrayin-lsumnery/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Favaratvetsin-vanadzori-2014-t-byujei-nakhagtsi-hanrayin-lsumnery%2F&t=%D4%B1%D5%BE%D5%A1%D6%80%D5%A1%D5%BF%D5%BE%D5%A5%D6%81%D5%AB%D5%B6+%D5%8E%D5%A1%D5%B6%D5%A1%D5%B1%D5%B8%D6%80%D5%AB+2014+%D5%A9+%D5%A2%D5%B5%D5%B8%D6%82%D5%BB%D5%A5%D5%AB+%D5%B6%D5%A1%D5%AD%D5%A1%D5%A3%D5%AE%D5%AB+%D5%B0%D5%A1%D5%B6%D6%80%D5%A1%D5%B5%D5%AB%D5%B6+%D5%AC%D5%BD%D5%B8%D6%82%D5%B4%D5%B6%D5%A5%D6%80%D5%A8

[2] Twitter: https://twitter.com/intent/tweet?text=%D4%B1%D5%BE%D5%A1%D6%80%D5%A1%D5%BF%D5%BE%D5%A5%D6%81%D5%AB%D5%B6+%D5%8E%D5%A1%D5%B6%D5%A1%D5%B1%D5%B8%D6%80%D5%AB+2014+%D5%A9+%D5%A2%D5%B5%D5%B8%D6%82%D5%BB%D5%A5%D5%AB+%D5%B6%D5%A1%D5%AD%D5%A1%D5%A3%D5%AE%D5%AB+%D5%B0%D5%A1%D5%B6%D6%80%D5%A1%D5%B5%D5%AB%D5%B6+%D5%AC%D5%BD%D5%B8%D6%82%D5%B4%D5%B6%D5%A5%D6%80%D5%A8&url=http%3A%2F%2Fvanadzor.am%2Favaratvetsin-vanadzori-2014-t-byujei-nakhagtsi-hanrayin-lsumnery%2F

[3] Google+0: https://plus.google.com/share?url=http%3A%2F%2Fvanadzor.am%2Favaratvetsin-vanadzori-2014-t-byujei-nakhagtsi-hanrayin-lsumnery%2F

[4] Pinterest0: #

Copyright © 2017 Վանաձոր. All rights reserved.