- Վանաձոր - http://vanadzor.am -

Ավագանու հերթական և արտահերթ նիստերը՝ 5 րոպե տարբերությամբ

Posted By Vanadzor On July 25, 2013 @ 14:56 In Լուրեր | No Comments

Հաշվի առնելով հարցի կարևորությունը, իրականացվեց աննախադեպ քայլ: Հուլիսի 25-ին Վանաձորի ավագանու հերթական նիստից առաջ քաղաքապետը տեղեկացրեց, որ ՀՀ կառավարությունը շուրջ 40,6 մլն դրամ է հատկացրել Վանաձորի քաղաքապետարանին՝ ՛՛Նվազագույն ամսական աշխատավարձի մասին՛՛ օրենքում կատարված փոփոխությունների հետևանքով առաջացած բյուջետային ճեղքվածքը սուբսիդիայի ձևով փոխհատուցելու նպատակով: Ի պատիվ կառավարությանը, պետք նշել, որ հատկացումը կատարվել է ճիշտ ժամանակին: Խոսքը վերաբերում է նվազագույն աշխատավարձի շեմը օրենսդրական կարգով 45 հազար դրամ սահմանելուն, ինչը կիրառության մեջ է մտել 2013 թվականի հունիսի 28-ին: Ի պատիվ ավագանու պետք է նշել, որ նա էլ իր հերթին համաձայնեց հերթական նիստից հետո անմիջապես արտահերթ նիստ անցկացնել և հաստատել քաղաքապետարանի բյուջեում ու հաստիքացուցակում և դրույքաչափերում փոփոխությունների առաջարկները:
Իմիջայլոց տեղեկացնենք, որ Վանաձորի ավագանու անդամների մեծամասնության տարիքը չի անցնում 35-ը և կարելի է անգամ անթաքույց հպարտությամբ փաստել, որ հանրապետության մյուս խոշոր քաղաքների համեմատությամբ ամենաերիտասարդ կազմ ունեցող ավագանին է:
Տեղեկացնենք նաև, որ թեև նախապես հայտարարված էր , որ հուլիսի 25-ի նիստում Վանաձորի ավագանին ՀՀ վարչապետին ուղերձի նախագիծ է ներկայացրել, սակայն ուղերձի բնույթի վերաբերյալ մանրամասները չէին հաղորդվել, ինչը մեծ հետաքրքրություն էր առաջացրել հանրության շրջանում: Ավագանին իր ուղերձում ՀՀ վարչապետին առաջարկում է ՛՛Տեղական տուրքերի և վճարների մասին՛՛ ՀՀ օրենքում կատարել փոփոխություններ՝ համայնքի ավագանուն տալով հնարավորություն համայնքի տարածքում սահմանելու տուրքերի ճկուն սանդղակ, որի չափորոշիչները ամրագրվեն օրենքով: Նեկայումս գործող կարգով բոլոր տնտեսավարողների համար սահմանվում են միատեսակ դրույքաչափեր՝ անկախ շրջանառության ծավալներից, գտնվելու վայրից և այլն:


Article printed from Վանաձոր: http://vanadzor.am

URL to article: http://vanadzor.am/avaganu-hertakan-yev-artahert/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Favaganu-hertakan-yev-artahert%2F&t=%D4%B1%D5%BE%D5%A1%D5%A3%D5%A1%D5%B6%D5%B8%D6%82+%D5%B0%D5%A5%D6%80%D5%A9%D5%A1%D5%AF%D5%A1%D5%B6+%D6%87+%D5%A1%D6%80%D5%BF%D5%A1%D5%B0%D5%A5%D6%80%D5%A9+%D5%B6%D5%AB%D5%BD%D5%BF%D5%A5%D6%80%D5%A8%D5%9D+5+%D6%80%D5%B8%D5%BA%D5%A5+%D5%BF%D5%A1%D6%80%D5%A2%D5%A5%D6%80%D5%B8%D6%82%D5%A9%D5%B5%D5%A1%D5%B4%D5%A2

[2] Twitter: https://twitter.com/intent/tweet?text=%D4%B1%D5%BE%D5%A1%D5%A3%D5%A1%D5%B6%D5%B8%D6%82+%D5%B0%D5%A5%D6%80%D5%A9%D5%A1%D5%AF%D5%A1%D5%B6+%D6%87+%D5%A1%D6%80%D5%BF%D5%A1%D5%B0%D5%A5%D6%80%D5%A9+%D5%B6%D5%AB%D5%BD%D5%BF%D5%A5%D6%80%D5%A8%D5%9D+5+%D6%80%D5%B8%D5%BA%D5%A5+%D5%BF%D5%A1%D6%80%D5%A2%D5%A5%D6%80%D5%B8%D6%82%D5%A9%D5%B5%D5%A1%D5%B4%D5%A2&url=http%3A%2F%2Fvanadzor.am%2Favaganu-hertakan-yev-artahert%2F

[3] Google+0: https://plus.google.com/share?url=http%3A%2F%2Fvanadzor.am%2Favaganu-hertakan-yev-artahert%2F

[4] Pinterest0: #

Copyright © 2017 Վանաձոր. All rights reserved.