Վանաձորի քաղաքապետարանը ընտրատեղամասերի ջեռուցման և կահավորման աշխատանքները կավարտի փետրվարի 15-ին

Վանաձորի քաղաքապետարանը լիովին կավարտի ՀՀ Ընտրական օրենսգրքով և ԿԸՀ որոշումներով ՏԻՄ մարմիններին վերապահված պարտավորությունները և նախապատրաստական անհրաժեշտ աշխատանքները՝ ըստ հաստատված ժամանակացույցի: Հիշեցնենք, որ Վանաձորի քաղաքապետի 2012 թ. դեկտեմբերի 26-ի որոշմամբ սահմանվել էին տեղամասային 58 կենտրոններ:

Խնդիրն այն էր, որ 58 տեղամասերից 18-ն ուներ լոկալ ջեռուցման խնդիր, մեկ տեղամաս ենթական էր վերանորոգման: Մնացյալ տեղամասերն անհրաժեշտ էր ապահովել գույքով և անհրաժեշտ պարագաներով՝ ըստ անհրաժեշտության: Քաղապետարանն արդեն իսկ ձեռք է բերել անհրաժեշտ շինանյութ, գույք ու ջեռուցման սարքեր և ինչպես տեղեկացնում է այդ գործընթացի պատասխանատու , փոխքաղաքապետ Նորիկ Սարդարյանը, փետրվարի 15-ին կարելի է փաստել, որ փետրվարի 18-ի համապետական ընտրությունները բարձր մակարդակով անցկացնելու նպատակով Վանաձոր քաղաքի 58 տեղամասերը պատրաստ կլինեն ընտրատեղամսային հանձնաժողովների արդյունավետ աշխատանքի և ընտրողների համար իրենց սահմանադրական իրավունքի կիրառման համար անհրաժեշտ պայմաններն ապահովելու համար:

You May Also Like

Leave a Reply