- Վանաձոր - http://vanadzor.am -

Առաջին անգամ տեղի կունենա Վանաձորի ավանգանու արտագնա նիստ

Posted By Vanadzor On May 14, 2013 @ 14:28 In Լուրեր | No Comments

Մայիսի 14-ին կայացավ Վանաձորի ավագանու հերթական նիստը: Նիստի օրակարգի քննարկումից առաջ քաղաքապետ Սամվել Դարբինյանը ներկայացրեց տեղեկատվություն «Լոռեցիների միավորում» ԲՀԿ նախագահ Մենուա Բրուտյանի և նրան համախոհ երիտասարդների կողմից «Վանաձորը համահայկական երիտասարդական մայրաքաղաք» նախագծի շրջանակներում նախաձեռնությունների վերաբերյալ:

Ծրագրի շրջանակներում տասն օրից սպասվում է շուրջ 40 կազմակերպությունների այց Վանաձոր քաղաք: Ծրագիրն իրականացնող կազմակերպություններն առաջարկում են Վանաձորի քաղաքապետին և ավագանուն Շ. Ազանվուրի անվան այգում ստեղծել Համահայկական երիտասարդական անկյուն, ինչի համար անհրաժեշտ կլինի նաև ավագանու համաձայնությունը: Ավագանին ի գիտություն ընդունեց տեղեկատվությունը և փախադարձ համաձայնությումբ որոշեց մայիսի 25-ին արտագնա նիստ անցկացնել այն վայրում , որտեղ պետք է ստեղծվի Համահայկական երիտասարդական անկյունը: Սա առաջին դեպքն է Վանաձորի ավագանու գործունեության պատմության մեջ , երբ արտագնա նիստ է պլանավորվում՝ նվիրված երիտասարդների խնդիրներին:

Վանաձորի ավագանին միաձայն իր համաձայնությունը տվեց Հրանտ Մաթևոսյանի անվան գրադարանային կենտրոնացված համակարգի տնօրենի պաշտոնում Խորեն Գասպարյանի թեկնածությանը՝: Միաձայն հաստատվեց նաև Սպարտակ Ջամվելյանի թեկնածությունը Վանաձորի քաղաքային կամերային նվագախմբի տնօրենի պաշտոնում: Այնուհետ ավագանին քննարկեց շուրջ մեկ ու կես տասնյակ օրակարգային հարցերը:

Հողի հարկի և գույքահարկի արտոնություններ կիրառվեցին Հայրենական Մեծպատերազմի վետերաններին , իսկ գույքահարկի գծով՝ «Հայաստանի խուլերի միավորում» հասարակական կազմակերպությանը: Վանաձորի բյուջեից ըստ նախահաշվի գումար հատակացվեց քաղաքի Բաղրամյան, Լոռվա հրապարակի, էստակադաների, Թումանյան հրապարակը Հալաբյան փողոցին կապող կամրջի մետաղական բազրիքների և եզրաքարերի վերանորգման և ներկման աշխատանքների համար; Սակայն ավագանին համաձայնեց քաղաքապետի հետ այն հարցում, որ նախատեսված գումարը բավարար չէ կամրջի վրա անհրաժեշտ մինիմալ աշխատանքներ կատարելու համար և որոշվեց ավագնու հաջորդ նիստի օրակարգում ներառել այդ նպատակով լրացուցիչ ֆինանսների հատկացման հարցը:

Վանաձորի ավագանին գումար հատակացրեց նաև Արջուտի աղբաթափման վայր տանող ճանապարհի վերանորոգման նպատակով, քանի որ այն դարձել է անանցանելի և վտանգում է քաղաքի աղբաթափման աշխատանքների արդյունվետ իրականցումը: Ավագանու անդամները մտահոգություն հայտնեցին նաև Վանաձորի քաղաքային այգու սանիտարական վիճակի և լուսավորության բացակայության վերաբերյալ :

Քաղաքապետ Սամվել Դարբինյանը տեղեկացրեց, որ սեպտեմբեր ամսին լրանում է վարձակալի պայմանագիրը և քաղաքապետարանը նպատակ չունի այն երկարացնել «Արծիվ» ՍՊԸ-ի հետ: Քաղաքապետը վստահեցրեց, որ հաջորդ տարի Վանաձորի քաղաքային այգին կունենա բարետես ու խնամված տեսք և կդառնա վանաձորցիների հանգստի սիրած վայրերից մեկը: Ավագանին համաձայնեց Սերյոժա Խնկանոսի Ավետյանին նվիրված հուշաքարի տեղադրման առաջարկին: վանաձորի ավագանին քննարկեց և որոշումներ կայացրեց օրակարգում ընդգրկված նաև այլ հարցերի վերաբերյալ: Հիշեցնենք, որ Վանաձորի ավագանու որոշումներին քաղաքացիները կարող են ծանոթանալ www.vanadzor.am կայքում:

Էդիկ Հովսեփյան


Article printed from Վանաձոր: http://vanadzor.am

URL to article: http://vanadzor.am/arrajin-angam-teghi-kunena-vanadzori-avanganu-artagna-nist/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Farrajin-angam-teghi-kunena-vanadzori-avanganu-artagna-nist%2F&t=%D4%B1%D5%BC%D5%A1%D5%BB%D5%AB%D5%B6+%D5%A1%D5%B6%D5%A3%D5%A1%D5%B4+%D5%BF%D5%A5%D5%B2%D5%AB+%D5%AF%D5%B8%D6%82%D5%B6%D5%A5%D5%B6%D5%A1+%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D5%A1%D5%BE%D5%A1%D5%B6%D5%A3%D5%A1%D5%B6%D5%B8%D6%82+%D5%A1%D6%80%D5%BF%D5%A1%D5%A3%D5%B6%D5%A1+%D5%B6%D5%AB%D5%BD%D5%BF

[2] Twitter: https://twitter.com/intent/tweet?text=%D4%B1%D5%BC%D5%A1%D5%BB%D5%AB%D5%B6+%D5%A1%D5%B6%D5%A3%D5%A1%D5%B4+%D5%BF%D5%A5%D5%B2%D5%AB+%D5%AF%D5%B8%D6%82%D5%B6%D5%A5%D5%B6%D5%A1+%D5%8E%D5%A1%D5%B6%D5%A1%D5%B1%D5%B8%D6%80%D5%AB+%D5%A1%D5%BE%D5%A1%D5%B6%D5%A3%D5%A1%D5%B6%D5%B8%D6%82+%D5%A1%D6%80%D5%BF%D5%A1%D5%A3%D5%B6%D5%A1+%D5%B6%D5%AB%D5%BD%D5%BF&url=http%3A%2F%2Fvanadzor.am%2Farrajin-angam-teghi-kunena-vanadzori-avanganu-artagna-nist%2F

[3] Google+0: https://plus.google.com/share?url=http%3A%2F%2Fvanadzor.am%2Farrajin-angam-teghi-kunena-vanadzori-avanganu-artagna-nist%2F

[4] Pinterest0: #

Copyright © 2017 Վանաձոր. All rights reserved.