- Վանաձոր - http://vanadzor.am -

Վանաձորում ևս 8 ընտանիք ամանորը կդիմավորի նոր ու հարմարավետ բնակարանում

Posted By Vanadzor On November 20, 2014 @ 16:20 In Լուրեր | No Comments

Դեռևս 2007թ. Վանաձորի քաղաքապետարանի, «Ֆուլլեր» տնաշինական կենտրոնի և «Առդա» բարեգործական հիմնադրամի միջև ստորագրվեց հուշագիր, որով նախատեսվեց ոչ աղետի հետևանքով անօթևան և տնակային պայմաններում բնակվող քաղաքացիների համար Վանաձորում կառուցել 96 բնակարան: Մինչ այս պահը կառուցվել և շահագործման է հանձնվել արդեն իսկ 47 բնակարան:

Այժմ արդեն ծրագրի 4-րդ փուլն է, որով շահագործման է հանձնվում 8 բնակարան՝ 2 մեկ և 6 երկու սենյականոց բնակարաններ: Ծրագրի նպատակն է ոչ աղետի հետևանքով անօթևան ընտանիքներին ապահովել բնակարաններով: Երեկ՝ նոյեմբերի 19-ին, շահառուները վիճակահանությամբ ընտրեցին իրենց բնակարանները: Նրանք շուտով արդեն կստանան նաև իրենց բնակարանների բանալիներն ու ամանորը կդիմավորեն տնակից դուրս՝ տաք ու հարմարավետ բնակարաններում: Վիճակահանությունը տեղի ունեցավ երկու փուլով: Նախ բնակարանի շահառուները վիճակահանությամբ ընտրեցին բնակարանի համարը քաշելու իրենց հերթը, ապա նաև՝ բնակարանի համարը:

Բնակարաններում աշխատանքները գրեթե ավարտված են, մնացել են կոյուղագծերի և ջրագծերի միացման աշխատանքները, որն էլ առաջիկա օրերին կավարտվի ու բնակարանների սեփականատերերը կտոնեն իրենց բնակարանամուտը:

«Առդա» բարեգործական հիմնադրամի տնօրեն Հրահատ Ստեփանյանի փոխանցմամբ իրենք նաև լրացուցիչ նվերներ են պատրաստել բնակարանատերերի համար՝ ջրատաքացուցիչ, գազի վառարան և խոհանոցային կահույք: Հ. Ստեփանյանը հույս է հայտնում, որ ծրագիրը շարունական կլինի:

Հիշեցնենք, Վանաձորը միակ քաղաքն է Հայաստանում, որ իր ուսերին վերցրեց նաև ոչ աղետի հետևանքով անօթևան մնացած քաղաքացիներին բնակարանով ապահովելու ծանր բեռը, ինչը մինչ այս պահը պատվով կարողանում է իրականացնել:


Article printed from Վանաձոր: http://vanadzor.am

URL to article: http://vanadzor.am/arda/

URLs in this post:

[1] Facebook0: https://www.facebook.com/sharer/sharer.php?u=http%3A%2F%2Fvanadzor.am%2Farda%2F&t=%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4+%D6%87%D5%BD+8+%D5%A8%D5%B6%D5%BF%D5%A1%D5%B6%D5%AB%D6%84+%D5%A1%D5%B4%D5%A1%D5%B6%D5%B8%D6%80%D5%A8+%D5%AF%D5%A4%D5%AB%D5%B4%D5%A1%D5%BE%D5%B8%D6%80%D5%AB+%D5%B6%D5%B8%D6%80+%D5%B8%D6%82+%D5%B0%D5%A1%D6%80%D5%B4%D5%A1%D6%80%D5%A1%D5%BE%D5%A5%D5%BF+%D5%A2%D5%B6%D5%A1%D5%AF%D5%A1%D6%80%D5%A1%D5%B6%D5%B8%D6%82%D5%B4

[2] Twitter: https://twitter.com/intent/tweet?text=%D5%8E%D5%A1%D5%B6%D5%A1%D5%B1%D5%B8%D6%80%D5%B8%D6%82%D5%B4+%D6%87%D5%BD+8+%D5%A8%D5%B6%D5%BF%D5%A1%D5%B6%D5%AB%D6%84+%D5%A1%D5%B4%D5%A1%D5%B6%D5%B8%D6%80%D5%A8+%D5%AF%D5%A4%D5%AB%D5%B4%D5%A1%D5%BE%D5%B8%D6%80%D5%AB+%D5%B6%D5%B8%D6%80+%D5%B8%D6%82+%D5%B0%D5%A1%D6%80%D5%B4%D5%A1%D6%80%D5%A1%D5%BE%D5%A5%D5%BF+%D5%A2%D5%B6%D5%A1%D5%AF%D5%A1%D6%80%D5%A1%D5%B6%D5%B8%D6%82%D5%B4&url=http%3A%2F%2Fvanadzor.am%2Farda%2F

[3] Google+0: https://plus.google.com/share?url=http%3A%2F%2Fvanadzor.am%2Farda%2F

[4] Pinterest0: #

Copyright © 2017 Վանաձոր. All rights reserved.