Վանաձորի Համայնքապետարանի Պաշտոնական Կայք

Վանաձորի քաղաքապետ Մամիկոն Ասլանյանի շնորհավորական ուղերձը՝ Հայաստանի Հանրապետության անկախության օրվա առթիվ

. Լուրեր

Վանաձորի քաղաքապետ Մամիկոն Ասլանյանի շնորհավորական ուղերձը՝ Հայաստանի Հանրապետության անկախության օրվա առթիվ
Սիրելի վանաձորցիներ, թանկագին հայորդիներ, ջերմորեն շնորհավորում եմ ՀՀ անկախության տոնի առթիվ: Հայաստանում, Արցախում և աշխարհի բոլոր անկյուններում, որտեղ ապրում և արարում է հայը, սեպտեմբերի 21-ը ցնծության ու զարթոնքի օր է:
Ազատ, անկախ և ինքնիշխան Հայաստանի Հանրապետությունը հայ ժողովուրդը վաստակել է ինքնանվիրումի, զոհողության և մաքառման ծանր գնով: Անկախ Հայաստանի յուրաքանչյուր օր մեծագույն պարգև է ամեն մի հայի համար, երաշխիք՝ արարման, զարգացման ու շենացման համար: Քսանվեց տարին փոքր ժամանակահատված է մեր հազարամյա պատմության մեջ. պատերազմ, շրջափակում, կորուստներ, սակայն դարի ծանրություն ունեցող անկախ Հայաստանի յուրաքանչյուր օր տոգորված է տոկունությամբ, անսահման սիրով՝ առ հայրենիքն ու լավագույն ապագան կերտելու անխախտ հավատով:


Այսօր Արցախի և ՀՀ սահմանների խաղաղությունն առավել քան երբևէ պաշտպանության կարիք ունի: Մեր բոլոր ջանքերը միտված պետք է լինեն հայոց բանակի ամրացմանն ու մարտունակության բարձրացմանը, որը մեր բոլոր ձեռքբերումների պահպանման ու ամրապնդման երաշխիքն է: Բոլորս միասին ենք կերտելու մեր հաջողությունները, մենք ենք մեր ապահով և արժանապատիվ կեցության ճարտարապետները, ուրմեն հայրենիքի և միմյանց հանդեպ անապակ սիրով սատար կանգնենք և ստեղծենք այն Հայաստանը, որը երազում ենք:


Սիրասուն հայրեր և մայրեր, քույրեր, եղբայրներ և զավակներ, երջանկություն և բարեկեցություն, արժանապատիվ կյանք, առաջընթաց և բարեկեցություն ողջ հայությանը՝ հանուն ՀԱՅԱՍՏԱՆԻ ՀԶՈՐ ՀԱՆՐԱՊԵՏՈՒԹՅԱՆ:

  • arlis
  • caa
  • e-gov.am
  • lorimarz
  • migracia

ՊԱՇՏՈՆԱԿԱՆ ԷԼԵԿՏՐՈՆԱՅԻՆ ՓՈՍՏ 10031154@e-citizen.am (միայն e-citizen.am համակարգով ծանուցումների համար)

  • image5

    Հարց ու Պատասխան
  • image7

    Էլ.դիմում
  • image9

    Տեսադարան
  • image2

    Պատկերասրահ
  • image12

    Եղանակ
  • dzevatxerrr

    Ձևաթղթեր