- Վանաձորի Համայնքապետարանի Պաշտոնական Կայք - http://vanadzor.am -

Իտալացի ճարտարապետները հոկտեմբեր-նոյեմբեր ամիսներին ներկայացնելու են Վանաձորի քաղաքաշինական լուծումեր առաջարկող փաթեթ

Սեպտեմբերի 6-ին ՀՀ վարչապետ Կարեն Կարապետյանի հետ հանդիպմանը Լոռու մարզպետ Արթուր Նալբանդյանը կառավարության ղեկավարին է ներկայացրել Լոռու մարզի սոցիալ-տնտեսկան զարգացման հիմնախնդիրները, քննարկվել են մարզին առնչվող այլ հարցեր ևս:

Այնուհետև Վարչապետ Կարեն Կարապետյանի գլխավորությամբ կառավարությունում տեղի ունեցած խորհրդակցությանը, Լոռու մարզպետի մասնակցությամբ, այլ հարցերի թվում քննարկվել են նաև Վանաձոր քաղաքի տնտեսական զարգացմանն առնչվող հարցեր:

Անդրադառնալով Վանաձորի զարգացմանը, կառավարության ղեկավարը կարևորել է քաղաքի զարգացման ուղղությամբ կոնկրետ ծրագրերի իրականացումը, այդ թվում՝ ենթակառուցվածքների զարգացման, զբոսաշրջության խթանման ուղղություններով:

Վարչապետին զեկուցվել է, որ Վանաձորի զարգացման քաղաքաշինական լուծումների վրա աշխատում են Վանաձորի համյանքապետարանի ճարտարապետության և քաղաքաշինության, ինչպես նաև Ճարտարապետության և շինարարության ազգային համալսարանի ճարտարապետները և արդեն իսկ իրականացվել են լուրջ աշխատանքներ: Նրանց հետ համագործակցություն է սկսել իտալացի ճարտարապետների խումբը, որը պատրաստվում է հոկետեմբեր-նոյեմբեր ամիսներին ներկայացնել Վանաձորում քաղաքաշինական լուծումներ առաջարկող փաթեթը:

Կառավարության ղեկավարը Տարածքային կառավարման և զարգացման նախարարությանը հանձնարարել է Հայաստանի զարգացման հիմնադրամի, Ռազմավարական նախաձեռնությունների կենտրոնի և քաղաքի կառավարիչների հետ հնարավորինս սեղմ ժամկետում ավարտին հասցնել քաղաքի զարգացման նախագիծը՝ հաշվի առնելով Վանաձորի առավելություններն ու ներուժը, այդ թվում՝ զբոսաշրջային պոտենցիալը: